پاۆلودار وبلىسىنا قاراستى باياناۋىل اۋىلىنىڭ 59 جاستاعى تۇرعىنى تاڭەرتەڭ ءوزىن ناشار سەزىنىپ، قاتتى باسى اۋىرىپ، قۇسۋ جانە ەسىنەن تانۋ بەلگىلەرى بايقالعان.
تۋىستارى دەرەۋ جەدەل جاردەم شاقىردى. شاقىرتىلعان جەدەل مەديسينالىق كومەك بريگاداسى ونىڭ قان قىسىمىنىڭ تىم جوعارى ەكەنىن انىقتادى. پاسيەنت جاعدايىنىڭ اۋىرلىعىنا بايلانىستى ول سانيتاريالىق اۆياسيا ارقىلى شۇعىل تۇردە كارديوورتالىقتىڭ قابىلداۋ بولىمىنە جەتكىزىلدى.
اۋرۋحانادا ميدىڭ كت جۇرگىزىلىپ، ءسۋباراحنويدالدى قان قۇيىلعانى جانە ميدىڭ ماڭداي بولىگى ايماعىندا ۇلكەن ارالىق گەماتومانىڭ پايدا بولعانى انىقتالدى. جەدەل تۇردە نەيروحيرۋرگتىڭ كەڭەسىمەن 3D رەكونسترۋكسياسى بار انگيوگرافيا جاساۋ تۋرالى شەشىم قابىلداندى.
زەرتتەۋ كەزىندە الدىڭعى بىرىكتىرۋشى ارتەريادا كەڭ نەگىزدى، ەكى قوسىمشا ديۆەرتيكۋلى بار جارىلعان قاپشىق ءتارىزدى انيەۆريزما انىقتالدى. انيەۆريزمانىڭ كۇمبەزى ىشكى مەديالدى باعىتتا ورنالاسقان. سونىمەن قاتار، ەكى ىشكى ۇيقى ارتەرياسىندا ءيىلىس (كينكينگ) بايقالدى، الايدا الدىڭعى بىرىكتىرۋشى ارتەريا قالىپتى جۇمىس ىستەپ تۇردى.
ومىرلىك كورسەتىلىمدەرى بويىنشا رەنتگەنەندوۆاسكۋليارلىق وپەراسيا جاسالدى – انيەۆريزما ارنايى ميكروكاتۋشكالارمەن (ميكروسپيرالدارمەن) تولىق ەمبوليزاسيالاندى. وپەراسيا ءساتتى ءوتتى، انيەۆريزمانىڭ بۇكىل قۋىسى سەنىمدى تۇردە جابىلدى.
پاسيەنتتىڭ جاعدايى اۋىر كۇيدە قالىپ، 9 كۇن بويى رەانيماسيا بولىمشەسىندە قارقىندى ەم الدى.
جاعدايى تۇراقتانعاننان كەيىن ول ءارى قاراي ەم قابىلداۋ ءۇشىن نيەۆرولوگيا بولىمشەسىنە اۋىستىرىلىپ، كەيىن دەنساۋلىعى جاقسارعان كۇيدە ۇيىنە شىعارىلدى.
وسىنداي پاتولوگيالار كەزىندە ءولىم دەڭگەيى، اسىرەسە اۋرۋدىڭ ءجىتى جانە ەرتە كەزەڭدەرىندە 50%-عا دەيىن جەتەدى. الايدا جەدەل جاردەم بريگاداسىنىڭ ۋاقتىلى ارەكەتى، سانيتاريالىق اۆياسيامەن جەدەل جەتكىزۋ جانە كارديوورتالىق ماماندارىنىڭ كاسىبي جۇمىسى پاسيەنتتىڭ ءومىرىن ساقتاپ قالۋعا مۇمكىندىك بەردى.
پاسيەنتكە كورسەتىلگەن بارلىق مەديسينالىق كومەك الەۋمەتتىك مەديسينالىق ساقتاندىرۋ جۇيەسىنىڭ شەڭبەرىندە تەگىن كورسەتىلدى.