الماتىنىڭ اۋەزوۆ اۋدانىندا تولە بي كوشەسىنەن تومەن ورنالاسقان مومىش ۇلى كوشەسىندەگى بوس جاتقان جەر دەمالاتىن، سپورتپەن اينالىسىپ، سەرۋەندەيتىن جايلى كەڭىستىككە اينالدى.
بۇل جۇمىس «حالىق قاتىساتىن بيۋدجەت» باعدارلاماسى ارقىلى ىسكە اسقان.
وڭىرلىك كوممۋنيكاسيالار قىزمەتى ۇيىمداستىرعان پرەسس-تۋر كەزىندە، اۋەزوۆ اۋدانىنىڭ اكىمى ابزال ەگەمبەردييەۆ 91 ميلليون تەڭگە بولاتىن بۇل جوبا اۋدان اكىمدىگىنىڭ قولداۋىمەن قولعا الىنعانىن ايتتى.
«ءبىز مۇندا جاقسى جارىقتاندىرۋ جۇيەسىن جاسادىق. كەشكى، تۇنگى ۋاقىتتا بۇل جەردە وتە جارىق بولادى ەندى. كەشكە مۇندا بالالار دا، باسقا اۋدانداعىلار دا ۇي-ىشىمەن كەلەدى. ءبىز قالادا سيرەك كەزدەسەتىن شاعىن ارحيتەكتۋرالىق فورمالاردى ورناتتىق. الپىلىك توبەشىك سالدىق، اينالاسىنا وتىرۋعا، دەمالۋعا بولادى. مۇندا سەكىرمەك تە بار. كەشكىسىن ادامدار كەزەككە تۇرادى وعان»، - دەپ ايتتى ابزال ەگەمبەردييەۆ.
بۇرىن بوس جاتقان اۋماقتا ءقازىر مىنالار بار: 550 م² برۋسچاتكا، 600 م² كوگالدى الاڭ س اۆتوماتتى سۋارۋ جۇيەسى، 140 اعاش، 27 جارىق باعانى مەن 11 بەينەباقىلاۋ كامەراسى، 12 ورىندىق پەن قوقىس جاشىگى، تولىققاندى بالالار الاڭى قۇمسالعىش، سىرعاناقتار، باتۋتتار، ارقان جولاقشاسى مەن شاعىن ارحيتەكتۋرالىق فورمالارمەن جابدىقتالعان، سپورتپەن شۇعىلدانۋعا ارنالعان ۆوركاۋت-ايماق، امفيتەاتر، اركا مەن كولوننالارى بار كىرەبەرىس، سونداي-اق الپىلىك توبەشىكتەر مەن 3D قورشاۋ.
«بۇل جەردە ءبىز شاعىن ساحنا جاسادىق، كەشكە بالالاردى جيناپ، ينتەراكتيۆتى شارالار مەن شاعىن كونسەرتتەر وتكىزەمىز. بۇل ءبىزدىڭ جاستارعا وتە پايدالى، ولاردىڭ شىعارماشىلىق قابىلەتىن دامىتۋعا سەپتىگى تيەدى. وسىنىڭ ءبارىن اپپاراتۋرامەن قامتاماسىز ەتىپ، كونسەرت تە وتكىزەمىز ەندى»، - دەپ اتاپ ءوتتى اۋەزوۆ اۋدانىنىڭ اكىمى.
اۋەزوۆ اۋدانى الماتىداعى ەڭ تىعىز قونىستانعان اۋدان. باسقا اۋدانداردا ورتاشا ەسەپپەن 1 شارشى شاقىرىمدا 4 مىڭ ادام تۇرسا، اۋەزوۆ اۋدانىندا سونشا جەردە 13 مىڭ ادام تۇرادى. سوندىقتان مۇندا بالالار الاڭى مەن جاسىل اۋماقتار جەتىسپەيدى. بيىل «حالىق قاتىساتىن بيۋدجەت» جوباسى اياسىندا 30 جوبا جۇزەگە اسىرىلىپ جاتىر. ونىڭ 24ء-ى جاڭا قوعامدىق كەڭىستىك، 6 جوبا – اۋلالاردى اباتتاندىرۋعا ارنالعان.
اۋەزوۆ اۋدانىنىڭ اكىمى ابزال ەگەمبەردييەۆتىڭ ايتۋىنشا، بارلىق جۇمىس 2025 جىلدىڭ 1 قىركۇيەگىنە دەيىن اياقتالادى.
«ىسكە اسقان ءار جوبا – تۇرعىنداردىڭ ءومىر ساپاسىن جاقسارتۋعا باعىتتالعان»، - دەپ اتاپ ءوتتى ابزال ەگەمبەردييەۆ.