جىل باسىنان بەرى الماتى تۇرعىندارى مەن قوناقتارى دەمالىس كۇنگى جارمەڭكەلەردە 22 800 توننادان استام اۋىل شارۋاشىلىعى ءونىمىن ساتىپ الدى.
ونىڭ ىشىندە: 11،5 مىڭ تونناعا جۋىق كوكونىستەر مەن جەمىستەر، 7،3 مىڭ توننادان استام ەت جانە ەت ونىمدەرى، 2 مىڭ توننادان استام ءسۇت ونىمدەرى، 1،8 مىڭ توننا باكالەيا جانە مارينادتالعان قيار.
جارمەڭكەلەردە بارلىعى 1000-نان استام تاۋار ءتۇرى ۇسىنىلعان.
دەمالىس كۇنگى جارمەڭكەلەرى وتاندىق وندىرۋشىلەردى قولداۋعا، حالىقتىڭ قولجەتىمدى باعامەن ساپالى ازىق-تۇلىك تاۋارلارىن الۋىنا، سونداي-اق قالانىڭ ساۋدا ينفراقۇرىلىمىن دامىتۋعا باعىتتالعان. ءونىم تىكەلەي اۋىل شارۋاشىلىعى تاۋارىن وندىرۋشىلەر مەن وڭدەۋشى كاسىپورىنداردان دەلدالداردىڭ قاتىسۋىنسىز كەلىپ تۇسەدى، بۇل باعانى نارىق دەڭگەيىنەن تومەندەتەدى. جارمەڭكەلەردى «الماتى «الەۋمەتتىك-كاسىپكەرلىك كورپوراسياسى» («الماتى» اكك) ۇيىمداستىرادى.
جىل باسىنان بەرى قالانىڭ بەس اۋدانىندا 210-نان استام جارمەڭكە وتكىزىلدى. جارمەڭكە اپتا سايىن، سەنبى جانە جەكسەنبى كۇندەرى ساعات 08:00-دەن 18:00-گە دەيىن وتەدى.
ورتاشا العاندا دەمالىس كۇندەرى الماتى مەن الماتى وبلىسىنىڭ 328 فەرمەرلەرى مەن اۋىل شارۋاشىلىعى وندىرۋشىلەرىنەن كەلەتىن 800 توننادان استام ءونىم ساتىلادى.
جارمەڭكەلەر وتەتىن ورىندار:
* المالى اۋدانى: ماسانچي كوشەسى، گوگول كوشەسى مەن ايتەكە بي كوشەسى اراسىندا.
* بوستاندىق اۋدانى: قازاقفيلم ش/ا، يسينالييەۆ كوشەسى.
* اۋەزوۆ اۋدانى: وتەگەن باتىر كوشەسى - اباي داڭعىلىنىڭ تومەن جاعى.
* مەدەۋ اۋدانى: مەڭدىقۇلوۆ بۋلۆارى - بەكتۇروۆ كوشەسىنىڭ قيىلىسى.
* الاتاۋ اۋدانى: «مادەنيەت» تۇك.