اتىراۋ وبلىسىنىڭ قىزىلقوعا اۋدانىندا كەلىن ەنەسىن ءولتىردى. قىلمىستىق ءىس سوتقا جولداندى، دەپ حابارلايدى Aqshamnews.kz ءتىلشىسى.
تەرگەۋ دەرەگىنشە، وقيعا 2025 جىلدىڭ مامىر ايىندا بولعان. توسەككە تاڭىلعان كەيۋاناعا كۇتىم جاساپ جۇرگەن 38 جاستاعى كەلىنى كۇدىكتى رەتىندە ۇستالعان. جابىرلەنۋشى اۋرۋحاناعا جەتكىزىلگەنىمەن، دارىگەرلەر ونىڭ ءومىرىن ساقتاپ قالا الماعان.
اتالعان دەرەك بويىنشا قىلمىستىق كودەكستىڭ 99-بابى («ادام ءولتىرۋ») بويىنشا ءىس قوزعالدى. ساراپتاما قورىتىندىسى كۇدىكتىنىڭ سوزىلمالى پسيحيكالىق دەرتكە شالدىققانىن كورسەتكەن. ءقازىر ءىس اتىراۋ وبلىسىنىڭ مامانداندىرىلعان اۋدانارالىق قىلمىستىق سوتىندا قارالىپ جاتىر.