بەستوبە–ستەپنوگورسك تاسجولىندا جانتۇرشىگەرلىك جول اپاتى بولىپ، ەرلى-زايىپتى قازا تاپتى. ارتىندا ءتورت بالاسى قالدى، دەپ حابارلايدى Aqshamnews.kz ءتىلشىسى.
قايعىلى وقيعا وتباسى جوسپارلى مەديسينالىق تەكسەرىسكە بارا جاتقان كەزدە بولعان. بەسىنشى سابيىنە جۇكتى ايەل وتىرعان جەڭىل كولىك جول تالعامايتىن كولىكپەن بەتپە-بەت سوقتىعىسقان. ايەل وقيعا ورنىندا كوز جۇمسا، كۇيەۋى اۋىر جاراقاتتان كەيىن قايتىس بولدى.
مارقۇمداردىڭ ارتىندا 1 جاستان 15 جاسقا دەيىنگى ءتورت بالا قالدى. جەرگىلىكتى تۇرعىندار اپاتتىڭ ءجيى قايتالانۋىن جولدىڭ قاۋىپتىلىگىمەن جانە اۋىر جۇك كولىكتەرىنىڭ كوپتىگىمەن بايلانىستىرىپ وتىر.