قوعام قايراتكەرى اسىلى وسمان قازاقستان حالقىن سابىرعا كەلىپ، ءبارىن ىمىرامەن شەشۋگە شاقىردى دەپ حابارلايدى almaty-akshamy.kz
اسىلى وسمان تۇندە الماتىدا بولعان جاعدايعا قىنجىلاتىنىن، كەز كەلگەن ماسەلەنى ىمىرامەن شەشۋگە بولاتىنىن جەتكىزدى.
قازاق حالقى بۇرىننان سوزگە توقتاعان حالىق. سوندىقتان ءبارىن ىمىرامەن شەشكەنىمىز ءجون. ءيا، حالىقتىڭ تالابى دۇرىس، مەن حالىق جاعىندامىن. دەگەنمەن، باسا-كوكتەپ قيراتپاي، بيلىككە تالاپ، تىلەكتى دۇرىس جەتكىزە بىلگەن ءجون. پرەزيدەنت ەستيتىن مەملەكەت قۇرىپ جاتقانى بەلگىلى. ەلىمىزدىڭ تۇتاستىعى قاشان دا ماڭىزدى، سوندىقتان اۋىزبىرلىك قاجەت. حالقىم ارانداپ قالماسا ەكەن دەيمىن. ورتەۋ، قيراتۋ دۇرىس ەمەس. حالىق ىمىراعا كەلگەنى ءجون، – دەدى اسىلى وسمان.
ايتا كەتسەك، كەشە تۇندە جاڭاوزەندىكتەرگە قولداۋ كورسەتىپ شىققان الماتى حالقى قالا اكىمدىگىنە دەيىن باردى. جينالعان حالىقتى اسكەريلەر تارقاتتى. سونداي-اق جينالعاندار پوليسيانىڭ 3-4 كولىگىن ورتەگەنى ايتىلدى.