ق ر پرەمەر-مينيسترىنىڭ م. ا. ءا. سمايىلوۆ مەملەكەت باسشىسىنىڭ تاپسىرمالارىن ىسكە اسىرۋ جونىندە كەڭەس وتكىزدى، دەپ حابارلايدى almaty-akshamy.kz
ق ر پرەمەر-مينيسترىنىڭ مىندەتىن اتقارۋشى ءاليحان سمايىلوۆ ەلدەگى الەۋمەتتىك-ەكونوميكالىق احۋال جونىندەگى كەڭەستە ق ر پرەزيدەنتى قاسىم-جومارت توقايەۆتىڭ العا قويعان مىندەتتەرىن ىسكە اسىرۋ بويىنشا ءبىرقاتار تاپسىرما بەردى.
ءا. سمايىلوۆ گاز سالاسىن دامىتۋدىڭ كەشەندى جوسپارىن پىسىقتاۋدى جانە ماڭعىستاۋ وبلىسىندا سۇيىتىلعان گاز وندىرەتىن زاۋىت قۇرىلىسىنىڭ تەحنيكالىق-ەكونوميكالىق نەگىزدەمەسىنە مەملەكەتتىك ساراپتاما جۇرگىزۋدى جەدەلدەتۋدى تاپسىردى. سۇيىتىلعان گاز ساۋدا-ساتتىعىن ۇيىمداستىرۋ مەن جۇرگىزۋدىڭ قولدانىستاعى قاعيدالارىن پىسىقتاۋ، سۇيىتىلعان گازدى ەلەكتروندىق ساۋدا الاڭى ارقىلى وتكىزۋگە تولىق كوشۋدى ءبىر جىلعا اۋىستىرۋ.
ءتيىستى مەملەكەتتىك ورگاندار سۇيىتىلعان گازدى وتكىزۋ كەزىندە باعالىق ءسوز بايلاسۋ جانە وزگە دە باسەكەلەستىككە قارسى ىس-ارەكەتتەرگە قاتىستى تەرگەۋ جۇرگىزسىن. باتىس وڭىرلەر – ماڭعىستاۋ، اتىراۋ، اقتوبە جانە باتىس قازاقستان وبلىستارىن دامىتۋدىڭ كەشەندى جوسپارلارى وزەكتەندىرىلىسىن.
پرەمەر-مينيستردىڭ مىندەتىن اتقارۋشى سۇيىتىلعان گاز، بەنزين جانە ديزەل باعالارىن 180 كۇن مەرزىمگە مەملەكەتتىك رەتتەۋدى ەنگىزۋ بويىنشا ءتيىستى نورماتيۆتىك اكتىنى قابىلداۋدى تاپسىردى.
مۇددەلى مەملەكەتتىك ورگاندارعا الەۋمەتتىك ماڭىزى بار ازىق-تۇلىك تاۋارلارىنىڭ باعالارىن مەملەكەتتىك رەتتەۋ تەتىگىن ەنگىزۋ بويىنشا قاجەتتى شارالار قابىلداۋ تاپسىرىلدى.
يندۋستريا جانە ينفراقۇرىلىمدىق دامۋ، ۇلتتىق ەكونوميكا، ەڭبەك جانە حالىقتى الەۋمەتتىك قورعاۋ مينيسترلىكتەرى وڭىرلەردىڭ اكىمدىكتەرىمەن بىرلەسىپ، حالىقتىڭ الەۋمەتتىك وسال توپتارى ءۇشىن قايتالاما تۇرعىن ۇيگە جالداۋ اقىسىن سۋبسيديالاۋ ماسەلەسىن پىسىقتاپ، ۇكىمەتكە ۇسىنىستار ەنگىزۋى ءتيىس.
قارجى مينيسترلىگىنە مۇددەلى مەملەكەتتىك ورگاندارمەن بىرلەسىپ «جەكە تۇلعالاردىڭ بانكروتتىعى تۋرالى» زاڭ جوباسىن ازىرلەۋ تاپسىرىلدى. دەنساۋلىق ساقتاۋ، ءبىلىم جانە عىلىم مينيسترلىكتەرى دەنساۋلىق ساقتاۋ مەن بالالار پروبلەمالارىن شەشۋ ءۇشىن «قازاقستان حالقىنا» قوعامدىق قورىن قۇرۋدى قامتاماسىز ەتسىن.
«مەملەكەت باسشىسى الەۋمەتتىك-ەكونوميكالىق جاعدايدى تۇراقتاندىرۋ بويىنشا جوعارىدا اتالعان شارالاردى كىدىرىسسىز قابىلداۋدى تاپسىردى»، — دەدى ءا. سمايىلوۆ.