ق ر قورعانىس ءمينيسترىنىڭ ءبىرىنشى ورىنباسارى اسقار مۇستابەكوۆتىڭ ايتۋىنشا، قازىرگى تاڭدا بارلىق بولىمدەردە بەينەباقىلاۋ جۇيەسى ەنگىزىلۋدە، دەپ حابارلايدى aqshamnews.kz
"ءقازىر 15 مىڭنان استام كامەرا ورناتىلدى، ءبىراق مەرتتىك ايماقتاردى بولدىرماۋ ءۇشىن قوسىمشا كامەرالار قاجەت. سونىمەن قاتار پيلوتتىق جوبانىڭ اياسىندا كەي بولىمدەرگە جاساندى ينتەللەكت ەلەمەنتتەرى بار كامەرالار ورناتىلۋدا. ولار ءارتۇرلى بۇزۋشىلىقتاردى انىقتاپ، كەزەكشىلەرگە حابارلاي الادى"، – دەدى مۇستابەكوۆ.
ۆيسە-مينيستر سوڭعى وقيعالارعا قاتىستى بەينەجازبالاردى اتا-انالارعا كورسەتكەندەرىن دە اتاپ ءوتتى:
"سوڭعى تراگيالىق جاعدايلار بويىنشا اتا-انالار سول جەردە بولدى، ءبىز ولارعا جازبالاردى كورسەتتىك، ەشتەڭەنى جاسىرعان جوقپىز"، – دەدى مۇستابەكوۆ.