تەرگەۋ بارىسىندا كۇدىكتىنىڭ تاڭەرتەڭگى ۋاقىتتا اۆتوبۋس ىشىندە جولاۋشىنىڭ سومكەسىنەن ۇلتتىق جانە شەتەل ۆاليۋتاسىنداعى قاراجاتتى، سونداي-اق التىن بۇيىمداردى ۇرلاعانى انىقتالدى، دەپ حابارلايدى aqshamnews.kz
كەلتىرىلگەن ماتەريالدىق شىعىننىڭ جالپى سوماسى 4،1 ميلليون تەڭگەدەن اسادى.
پوليسيانىڭ مالىمەتىنشە، جەدەل تەرگەۋ ءىس-شارالارى بارىسىندا كۇدىكتىنىڭ قىلمىسقا قاتىسى بارى تولىق دالەلدەندى. ءتىنتۋ كەزىندە ۇرلىق فاكتىسىن راستايتىن زاتتاي دالەلدەمەلەر، ونىڭ ىشىندە ۇرلانعان مۇلىكتىڭ ءبىر بولىگى تاركىلەندى.
– سونىمەن قاتار كۇدىكتىنىڭ كىناسى قوعامدىق كولىك سالونىندا ورناتىلعان بەينەباقىلاۋ كامەرالارىنىڭ جازبالارىمەن دە دالەلدەنىپ وتىر. اتالعان دەرەك بويىنشا قىلمىستىق ءىس قوزعالىپ، كۇدىكتى ۋاقىتشا ۇستاۋ يزولياتورىنا قامالدى. قازىرگى ۋاقىتتا تەرگەۋ امالدارى جالعاسىپ جاتىر، – دەدى الماتى پوليسيا دەپارتامەنتى كريمينالدىق پوليسيا باسقارماسىنىڭ باستىعى اسحات داۋلەتياروۆ.
پوليسيا ازاماتتاردى جەكە قاۋىپسىزدىك شارالارىن ساقتاۋعا، قوعامدىق كولىكتە جۇرگەندە جەكە مۇلكىنە اسا مۇقيات بولۋعا ۇندەدى.