تۇرمىستىق زورلىق-زومبىلىققا ءاربىر ءۇشىنشى وتباسىنىڭ مۇشەلەرى تاپ كەلەدى.
رەسمي مالىمەتتەر وسىلاي دەپ دابىل قاعادى. تىركەۋگە الىنعان قىلمىستاردىڭ 30 پايىزى قاتىگەزدىك ارەكەتتەرگە بايلانىستى قوزعالادى، دەپ حابارلايدى Almaty-akshamy.kz.
«زورلىق-زومبىلىققا قارسى بەلسەندىلىكتىڭ 16 كۇنى» اكسياسى اياسىندا جاستارمەن كەزدەسكەن ماماندار وسىنداي دەرەكتەر كەلتىردى. باسقوسۋدا تاجىريبەلى پسيحولوگتار مەن پوليسيا ينسپەكتورلارى وتباسىلىق قۇندىلىقتاردىڭ ايقىن باعىتتارىنا توقتالدى. توپ مۇشەلەرى تۇرمىستىق زورلىق-زومبىلىققا قاتىستى مالىمەتتەردى ءبىر ىزگە ءتۇسىرۋ ءۇشىن وسى ىسپەن اينالىساتىن ارنايى قۇرىلىم جاساقتاۋدى ۇسىنىپ وتىر.
«ءار ايماقتىڭ ءوزىنىڭ باسقارماسى بولۋى كەرەك وسىنىڭ باقىلاپ وتىراتىن. بارلىق اقپارات باسقارماعا كەلىپ، نەگىزگى ستاتيستيكا وزگەرمەۋى كەرەك»، - دەيدى قالالىق ايەلدەر كەڭەسىنىڭ ءتورايىمى بايان ايتبەك قىزى.