قازاقستان سپورتشىلارى كەلەسى جىلى بولاتىن پاريج وليمپيداسىنا بار جوعى 17 ليسەنزيا جەڭىپ الدى.
جولداما سەگىز سپورت تۇرىنە تيەسىلى. بۇل باسقا وليمپيادالاردىڭ ءدال وسى كەزەڭدەگى ليسەنزيا سانىمەن سالىستىرعاندا وتە از، دەپ حابارلايدى Almaty-akshamy.kz.
تۋريزم جانە سپورت ءمينيسترى ەرمەك مارجىقپايەۆ ءتورت جىلدىقتىڭ باستى باسەكەسىنىڭ ناتيجەسى قالاي بولاتىنىنا قازىردەن الاڭداپ وتىرعانىن جاسىرمادى. جالپى جانكۇيەرلەر جۇلدەنى بوكستان كۇتەدى. ءبىراق ازىرگە بۇل سپورت تۇرىنەن 2 عانا جولداما بار. مينيستر مۇنى وتە ناشار كورسەتكىش دەدى.
ال سپورتتى دامىتۋ ديرەكسياسىنىڭ وكىلى وليمپياداعا دەيىن تاعى 90 ليسەنزيا جەڭىپ الۋ مىندەتى تۇرعانىن جەتكىزدى.