الماتىلىق ازامات پورنوگرافيالىق ماتەريالداردى تاراتقانى ءۇشىن ايىپتالۋدا

كۇدىكتى تانىمال الەۋمەتتىك جەلىلەردە جاريالاعان ۆيدەوعا قاتىسۋشىلاردىڭ ءبىرى پوليسياعا ارىزدانعان.

جابىرلەنۋشىنىڭ ايتۋىنشا، ەر ادام ونى قورقىتىپ، ۇنەمى اڭدىپ جۇرگەن، دەپ حابارلايدى Almaty-akshamy.kz Polisia.kz-كە سىلتەمە جاساپ. 

“Cyberpol” قىزمەتكەرلەرى “Hi Tech” جەدەل الدىن الۋ ءىس-شاراسى بارىسىندا ينتەرنەتتە پورنوگرافيالىق ماتەريالداردى تاراتقانى ءۇشىن 1985 جىلى تۋعان ۆ.ەسىمدى ازاماتتى ۇستادى. ودان رۇقسات ەتىلگەن ءتىنتۋ بارىسىندا پورنوگرافيالىق بەينەماتەريالدار مەن بەينەجازبالارى بار قاتتى ديسكىلەر انىقتالدى. زاتتاي ايعاقتار تاركىلەنىپ، ق ر قك-نىڭ 311-بابى جانە ق ر قك-نىڭ 147-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىندە تاركەلگەن قىلمىستىق ءىس ماتەريالدارىنا قوسىلدى"، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.

ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.