بەلگىلى اكتريسا ءارى پروديۋسەر داريعا بادىقوۆا مەن اكتەر دارحان مۇسايەۆتىڭ وتباسىلىق ومىرىنە قاتىستى سوڭعى پىكىرتالاسقا اكتەر ولجاس اباي دا ءۇن قوستى، دەپ حابارلايدى اqshamnews.kz ءتىلشىسى.
ولجاس اباي الەۋمەتتىك جەلىدەگى پاراقشاسىندا وزىنە قاتىستى ايتىلىپ جاتقان سىندار مەن جەلىدەگى قاۋەسەتتەرگە جاۋاپ بەردى.
“ءبىر سەميانى نەگە بۇزاسىڭ دەگەن جاندارعا” ايتارىم. وۋ اعايىن! ومىرگە رەنىشى بارلار، جامان ءسوز جازىپ مەنى جەردەن الىپ جاتقاندارىڭ ورىندى ەمەس. وسى ۋاقىتقا دەيىن مەن تۇسكەن كينولاردى كورىپ، مالادەس دەپ قوشامەت سوعىپ ەندى اياق استى ءبىر ءبىر جاقتى ويلاناتىن ادامنىڭ “قىزعانىشىنا” سەنىپ مەنىڭ ونەرگە دەگەن ەسسىز سۇيىسپەنشىلىگىمدى ادامعا دەگەن شىنايى قارىم قاتىناسىمدى جەرگە تاپتاماڭدار. نەكەدەگى ايەلگە اجىراماي جاتىپ كوز سالاتىن مەن نە باسىندا ميى جوق ەسسىز ەسالاڭ دەيسىڭدەر مە. اڭداماي سويلەگەن دەگەن بار قازاقتا. باسىمنان بىرەۋدىڭ فانتازياسىن اسىرىپ وتىرا المايدى ەكەم. ءار نارسەنىڭ سوڭى بولادى. ەشكىم جاۋاپسىز قالمايدى"، – دەپ جازدى اكتەر.
ول سونداي-اق ءوزىنىڭ كوپ جىلدىق ەڭبەگىن جانە ونەردەگى بەدەلىن اتاپ ءوتتى:
"15 جىلدا 25 تەن اسا كينوتۋىندىعا ءتۇسىپ، رەكورد جاساپ، حالىقتىڭ ميليوننىڭ قوشامەتىنە بولەنىپ داريعاداي مىنەزدى مىقتى اكتريسامەن پارتنەر بولىپ جۇمىس جاساپ جەتىستىككە قول سوزعان مەن - ءداپ سول جەردەن قاتەلەسىپ قالمايتىن شىعارمىن. باسىمدى بالا كۇننەن تىك كوتەرىپ جۇرگەم، ارى قاراي دا جۇرە بەرەم"، – دەدى ولجاس اباي.
ايتا كەتەيىك، بۇعان دەيىن داريعا بادىقوۆانىڭ بۇرىنعى جۇبايى دارحان مۇسايەۆ جۋرناليست نۇرسەيىت جىلقىشىبايعا سۇحبات بەرىپ، 16 جىلدىق نەكەسى، تۋىستارىمەن قارىم-قاتىناسى جانە جەكە وكىنىشتەرى تۋرالى ايتقان بولاتىن. ول ءوزىن "كۇشىك كۇيەۋ" بولعانىنا وكىنەتىنىن اشىق جەتكىزگەن ەدى.
ال داريعا بادىقوۆا بۇرىنعى كۇيەۋىنىڭ سوزدەرىمەن كەلىسپەيتىنىن مالىمدەپ، نەكە كەزىندە "باقىتتى ءومىر بولماعانىن" جانە اجىراسۋدىڭ ءوز سەبەپتەرى بار ەكەنىن جازدى.
اكتەرلەردىڭ جەكە ومىرىنە قاتىستى بۇل پىكىرتالاس الەۋمەتتىك جەلىدە قىزۋ تالقىلانىپ، جۇرت اراسىندا ءتۇرلى رەاكسيا تۋدىرىپ جاتىر.