مادريدتىك "رەالدىڭ" جۇلدىزى، فرانسۋز شابۋىلشىسى كيليان مباپپە الماتىدا وتكەن چەمپيوندار ليگاسىنىڭ ماچى اياسىنداعى ساپارى جايلى ايتتى، دەپ حابارلايدى اqshamnews.kz. ءتىلشىسى.
كومانداداعى ارىپتەسى، تۇرىك جارتىلاي قورعاۋشىسى اردا گيۋلەر الەۋمەتتىك جەلىدە مادريدتىك كلۋبتىڭ قازاقستانعا جاساعان ۇشۋ ساپارىنان بىرنەشە سۋرەت جاريالاعان. سول فوتولاردىڭ بىرىندە ۇشاقتا ۇيىقتاپ وتىرعان مباپپە دە كوزگە ءتۇستى.
فوتوسۋرەتتەردى كورگەن كيليان مباپپە ءازىل-شىنى ارالاس پىكىر قالدىردى:
"قازاقستانعا بارعان ساپار وڭاي بولمادى، برو"، – دەپ جازدى فۋتبولشى.
ەسكە سالايىق، الماتىدا وتكەن "قايرات" – "رەال" ماچى چەمپيوندار ليگاسىنىڭ ەكىنشى تۋرى اياسىندا ۇيىمداستىرىلدى. يسپاندىق ب ا ق دەرەگىنشە، مادريدتىك كومانداعا قازاقستانعا بارىپ-قايتۋ ءۇشىن شامامەن 13 مىڭ شاقىرىم جول جۇرۋگە تۋرا كەلگەن.
بۇل ساپار تەك قازاقستاندا عانا ەمەس، ەۋروپادا دا ەرەكشە نازارعا ىلىكتى. يسپان باسىلىمدارى "رەالدىڭ" الماتىعا كەلۋىن "ەرەكشە جاعداي" دەپ باعالاسا، الماتىلىق جانكۇيەرلەر كلۋبتى جىلى قارسى الىپ، ويىنشىلارعا ءوز قولداۋلارىن كورسەتتى. ويىن 0:5 ەسەبىمەن يسپاندىق كلۋبتىڭ پايداسىنا جازىلدى.