اقتوبە وبلىستىق كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتى تەمىر اۋدانىندا 9-سىنىپ وقۋشىسىنىڭ قازاسىنا بايلانىستى قىلمىستىق ءىستى قارادى، دەپ حابارلايدى اqshamnews.kz ءتىلشىسى. بۇل تۋرالى وبلىستىق سوتتاردىڭ باسپا ءسوز قىزمەتى حابارلادى.
سوت ماتەريالدارىنا سايكەس، 2024 جىلدىڭ قىركۇيەگىندە تەمىر اۋدانىندا 10-11 سىنىپ وقۋشىلارى 9-سىنىپ وقۋشىلارىنا «قۇرمەتسىزدىك كورسەتتى» دەگەن سەبەپپەن شابۋىل جاساعان. سوققى سالدارىنان 9-سىنىپ وقۋشىسى وقيعا ورنىندا كوز جۇمدى.
سوت بارىسىندا كامەلەتكە تولماعان ايىپتالۋشىلار ءوز كىناسىن ءىشىنارا مويىنداپ، وكىنىش ءبىلدىردى. ۇكىم شىعارۋ كەزىندە ولاردىڭ جاسى جەڭىلدەتەتىن ءمان-جاي رەتىندە ەسكەرىلدى، ال «ب»، «ت»، «ج»، «ج-1» جانە «ق»-نىڭ قىلمىستى ۇيىمداستىرۋداعى بەلسەندى ءرولى اۋىرلاتاتىن جاعداي دەپ تانىلدى.
ۇكىمگە سايكەس:
-
«ب» جانە «ت» — ق ر قىلمىستىق كودەكسىنىڭ 293-بابى 2-بولىگى 1،3-تارماقتارى جانە 28-بابى 3-بولىگى، 106-بابى 3-بولىگى بويىنشا كىنالى دەپ تانىلىپ، 6 جىل 8 ايعا باس بوستاندىعىنان ايىرىلدى. سونىمەن قاتار، كامەلەتكە تولماعان «ت»-نىڭ زاڭدى وكىلىنەن جابىرلەنۋشى تاراپقا مورالدىق زيان وتەمى رەتىندە 5 ملن تەڭگە ءوندىرىلدى.
-
«م» — ق ر قك 106-بابى 3-بولىگى بويىنشا كىنالى دەپ تانىلىپ، 6 جىل 8 ايعا باس بوستاندىعىنان ايىرىلدى.
-
«ق»، «ج» جانە «ج-1» — ق ر قك 293-بابى 2-بولىگى 1،3-تارماقتارى بويىنشا كىنالى دەپ تانىلىپ، 1 جىلعا بوستاندىعىن شەكتەۋ جازاسىنا كەسىلدى. ال قك 28-بابى 3-بولىگى مەن 106-بابى 3-بولىگى بويىنشا كىنالىلىگى دالەلدەنبەگەندىكتەن، ولار اقتالدى.