مەملەكەت باسشىسىنىڭ ساياساتىن بۇكىل حالىقتىڭ، بارلىق پروگرەسسيۆتى كۇشتەردىڭ قولداۋى بۇرىنعىدان دا ماڭىزدى. ەلدەگى الەۋمەتتىك-ەكونومكيالىق جاعدايعا بايلانىستى پىكىر بىلدىرگەن ق ر پارلامەنت سەناتىنىڭ دەپۋتاتى اقىلبەك كۇرىشبايەۆ وسىنداي وي ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ەلىمىزدىڭ بارلىق ازاماتتارى سياقتى بولعان وقيعالارعا بايلانىستى وتە الاڭداۋلىمىن. ەكونوميكانى ودان ءارى قاراي دامىتىپ، ازاماتتارىمىزدىڭ ءومىر ءسۇرۋ دەڭگەيىن جاقسارتۋ ءۇشىن بىزگە ەلدەگى تۇراقتىلىق اۋاداي قاجەت. سوندا عانا مەملەكەتتىڭ بارلىق الەۋمەتتىك مىندەتتەمەلەرى دايەكتى تۇردە ىسكە اسىرىلۋى مۇمكىن. ءبىز قازاقستانداعى تۇراقسىزدىقتى قولاي كورەتىن ارانداتۋشىلار مەن سىرتقى كۇشتەردىڭ جەتەگىندە كەتپەۋىمىز كەرەك. حالقىمىزعا سوعىس قاجەت ەمەس، ورتاق ۇيىمىزدەگى بەيبىتشىلىكتى ساقتاۋىمىز كەرەك. سوندىقتان مەملەكەت باسشىسىنىڭ ساياساتىن بۇكىل حالىقتىڭ، بارلىق پروگرەسسيۆتى كۇشتەردىڭ قولداۋى بۇرىنعىدان دا ماڭىزدى»، - دەيدى سەناتور.
ونىڭ ايتۋىنشا، جاستاردى ويلانباي جاسالعان ارەكەتتەردەن قورعاۋ وتە ماڭىزدى.
«پرەزيدەنت قابىلداعان شارالار جانە الماتى قالاسى مەن ماڭعىستاۋ وبلىسىندا توتەنشە جاعدايدىڭ جاريالانۋى - احۋالدى تۇراقتاندىرۋعا باعىتتالعان ۋاقىتشا شارا. ءبىز مۇنى ءتۇسىنۋىمىز كەرەك. ءبىزدىڭ قوعامدا ادىلەتتى كوتەرىلىپ وتىرعان ءبىرقاتار ماسەلەلەردى ۇكىمەتتىڭ ۋاقتىلى شارالار قابىلداۋى ارقىلى ءوز كەزىندە شەشۋگە بولادتىن ەدى دەپ ەسەپتەيمىن. ولاردىڭ كوبى ءقازىر پرەزيدەنتتىڭ جەكە ارالاسۋىنان كەيىن عانا شەشىمىن تاۋىپ جاتىر. قاسىم-جومارت توقايەۆ ءوز سوزىندە حالىقتى الەۋمەتتىك قولداۋدىڭ باسىمدىقتارىن ناقتى بەلگىلەپ بەردى جانە ولار ورىندالادى! ەلىمىزدىڭ بولاشاعى ءارقايسىمىزعا بايلانىستى! ءبىز ءۇشىن جاستاردى ويلانباي جاسالعان ارەكەتتەردەن قورعاۋ وتە ماڭىزدى»، - دەدى اقىلبەك كۇرىشبايەۆ.