بەلگىلى اكتەر، حالىق ءارتىسى ءاسانالى ءاشىموۆ قازاقستان حالقىن بىرلىككە شاقىرىپ، ۇندەۋ تاستادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قىمباتتى باۋىرلار، قانداستار! مىناۋ بولىپ جاتقان جاعدايدى ەستىپ مەنىڭ جۇرەگىم اۋىرىپ وتىر. ءار ۋاقتا ەلدىڭ تىنىشتىعى كەرەك. ارانداتۋشىلار كوپ. سولارعا ەرمەڭىزدەر. ءار ۋاقتا مەن حالىق ءارتىسى رەتىندە سىزدەرمەن بىرگەمىن. ءبىراق ۇكىمەتتىڭ سىزدەرگە جاساپ جاتقان جاعدايىنا مەن قوسىلام. ەكى جاق كەلىسىپ، ءبىر جاقسى جاعدايعا كەلەيىك. ءبىز ىنتىماعى جاراسقان ەلمىز. مەن ءار ۋاقىتا سىزدەرمەن بىرگەمىن»، - دەدى ارداگەر اكتەر ەلگە جولداعان بەينەۇندەۋدە.
حالىق ءارتىسى ۇكىمەت حالىقتىڭ تالابىن ورىندايتىنىنا سەنەتىنىن ايتادى.
«ۇكىمەت سىزدەردىڭ ايتقاندارىڭىزدى ورىندايتىنىنا مەن سەنەمىن. سوندىقتان ەشقانداي ارانداتۋشىلارعا سەنبەڭىزدەر. سىزدەردى مەن جاقسىلىققا، تىنىشتىققا شاقىرامىن. ەل تىنىش بولسىن. ەل قوبالجىپ كەتتى، ءابىرجىپ كەتتى. سونى ابايلاڭىزدار، ەلدىڭ تىنىشتىعىن ساقتاڭىزدار. مەن پرەزيدەنتىمىز قاسىم-جومارت كەمەل ۇلىنىڭ سىزدەرمەن كەلىسىپ تاۋىپ، شەشىمىن تاباتىنىنا سەنەمىن. سوندىقتان سابىر ساقتاڭىزدار، اقىلعا كەلىڭىزدەر. تىنىشتىق بولسىن ءار ۋاقتا. سوعان مەن سىزدەردى شاقىرامىن»، - دەدى ءاسانالى ءاشىموۆ