الەۋمەتتىك جەلىلەردە اقتوبە قالاسىنداعى مەكتەپتەردە قىلمىس جاسالۋى مۇمكىن دەگەن اقپارات تارادى. وسىعان بايلانىستى وبلىستىق پوليسيا دەپارتامەنتى رەسمي تۇسىنىكتەمە بەردى، دەپ حابارلايدى اqshamnews.kz ءتىلشىسى.
پوليسيا بۇل مالىمەتتىڭ شىندىققا جاناسپايتىنىن اتاپ ءوتىپ، تەرروريزم اكتىسى تۋرالى كورىنەۋ جالعان اقپارات تاراتۋ فاكتىسى بويىنشا سوتقا دەيىنگى تەرگەپ-تەكسەرۋ باستالعانىن مالىمدەدى.
قۇقىق قورعاۋ ورگاندارى اقپاراتتى تاراتقان تۇلعالاردى انىقتاۋ ءۇشىن جەدەل شارالار قابىلداپ جاتىر. كۇدىكتىلەر جاقىن ۋاقىتتا تابىلىپ، قازاقستان زاڭناماسىنا سايكەس جاۋاپقا تارتىلاتىنى حابارلاندى.
سونىمەن قاتار، ءبىلىم بەرۋ ۇيىمدارىنداعى قاۋىپسىزدىك شارالارى كۇشەيتىلدى:
-
مەكتەپتەردەگى بەينەباقىلاۋ جۇيەلەرىنىڭ جۇمىسى مەيلىنشە باقىلاۋعا الىندى،
-
وقۋ ورىندارى ماڭىندا پوليسيا جاساقتارىنىڭ سانى ارتتى.
«ازاماتتاردى جالعان اقپاراتقا سەنبەۋگە جانە تەك رەسمي دەرەككوزدەرگە جۇگىنۋگە شاقىرامىز»، – دەلىنگەن وبلىستىق پد رەسمي حابارلاماسىندا.