2025 جىلدىڭ 1 قاراشاسىنداعى مالىمەتكە سايكەس، قازاقستاندا جۇمىسسىزدىق بويىنشا الەۋمەتتىك تولەم الۋشىلار سانى 308،4 مىڭ ادامعا جەتتى. بۇل تۋرالى ەڭبەك مينيسترلىگى مالىمدەدى، دەپ حابارلايدى اqshamnews.kz ءتىلشىسى.
مينيسترلىك دەرەكتەرىنە قاراعاندا، 268،6 مىڭ ادامعا بيىل العاش رەت جۇمىسسىزدىق بويىنشا جاردەماقى راسىمدەلگەن. جىل باسىنان بەرى ءماسق تاراپىنان جالپى سوما 106،8 ملرد تەڭگە تولەنگەن. سالىستىرۋ ءۇشىن: 2024 جىلى جۇمىسسىزدىق بويىنشا الەۋمەتتىك تولەمدەردى 1،4 ملن قازاقستاندىق العان.
جاردەماقى 1–6 اي ارالىعىندا تولەنەدى جانە جوعالعان تابىستىڭ 45%-ىنا دەيىن وتەيدى. تولەم مولشەرى ازاماتتىڭ جۇمىس ءوتىلى مەن سوڭعى ەكى جىلداعى ورتاشا تابىسىنا بايلانىستى ەسەپتەلەدى.
ايتا كەتەيىك، جۇمىسسىزدىق بويىنشا جاردەماقى ازامات رەسمي تۇردە جۇمىسسىز مارتەبەسىن العان كۇننەن باستاپ تاعايىندالادى.
11 قاراشادا «ازاماتتارعا ارنالعان ۇكىمەت» كەاق قازاقستاندىقتارعا جاردەماقى الۋ ءتارتىبى مەن قاجەتتى قۇجاتتار تۋرالى ءتۇسىندىرۋ جۇمىسىن جۇرگىزگەن بولاتىن.
جاردەماقى الۋ ءۇشىن كەلەسى شارتتار ورىندالۋعا ءتيىس:
-
ءوتىنىش بەرۋشى رەسمي تۇردە جۇمىس ىستەگەن بولۋى كەرەك؛
-
كەمىندە 6 اي كولەمىندە الەۋمەتتىك اۋدارىمدار تولەنگەن بولۋى قاجەت؛
-
ازامات رەسمي جۇمىسسىز مارتەبەسىن الۋى ءتيىس.
مينيسترلىك جۇمىسسىزدىق بويىنشا تولەمدەر ەڭبەك نارىعىنداعى ازاماتتاردى الەۋمەتتىك قورعاۋ تەتىگى بولىپ قالا بەرەتىنىن اتاپ ءوتتى.