اقتوبەدە جاياۋ جۇرگىنشىلەر وتكەلىنەن ءوتىپ بارا جاتقان التى جاسار قىز بالانى كولىك قاعىپ كەتتى. قازىرگى ۋاقىتتا پوليسەيلەر جول-كولىك وقيعاسى بويىنشا تەكسەرىس جۇرگىزىپ جاتىر، دەپ حابارلايدى اqshamnews.kz ءتىلشىسى.
وبلىستىق پوليسيا دەپارتامەنتىنىڭ باسپا ءسوز قىزمەتى حابارلاعانداي، وقيعا ميرا داڭعىلىندا بولعان. Hyundai ماركالى اۆتوكولىكتىڭ جۇرگىزۋشىسى جاياۋ جۇرگىنشىلەر جولاعىنان ءوتىپ بارا جاتقان 6 جاستاعى قىزدى قاعىپ كەتكەن.
وقيعا ءساتى الەۋمەتتىك جەلىلەردە تاراعان ۆيدەودا دا كورىنىس تاپتى.
«جول-كولىك وقيعاسى سالدارىنان بالا ءتۇرلى دەنە جاراقاتتارىن الدى. ول مەديسينالىق مەكەمەگە جەتكىزىلىپ، قاجەتتى كومەك كورسەتىلدى»، – دەپ مالىمدەدى وبلىستىق پد باسپا ءسوز قىزمەتى. قازىرگى كەزدە پوليسيا قىزمەتكەرلەرى جول اپاتىنىڭ سەبەپتەرى مەن ءمان-جايىن انىقتاپ جاتىر.
وبلىستىق دەنساۋلىق ساقتاۋ باسقارماسىنىڭ مالىمەتىنشە، قىز بالا كوپسالالى وبلىستىق بالالار اۋرۋحاناسىنىڭ قابىلداۋ بولىمىندە تەكسەرۋدەن وتكەن. دارىگەرلەر ونىڭ اياق-قولىندا ءسىڭىر سوزىلۋى مەن سىزاتتار بارىن انىقتاپ، امبۋلاتوريالىق ەم تاعايىنداعان.