ۇزىنكول اۋدانىنىڭ ءبىرقاتار مەكتەپتەرىندە قاتتى اياز بەن جەلگە بايلانىستى ءبىرىنشى اۋىسىمنىڭ وقۋ ءتارتىبى وزگەردى، دەپ حابارلايدى اqshamnews.kz ءتىلشىسى.
اۋداندىق ءبىلىم ءبولىمى تاراتقان مالىمەتكە سايكەس، ۇزىنكول اۋىلىنىڭ №1 مەكتەبىنىڭ، ك. دونەنبايەۆ اتىنداعى مەكتەپتىڭ جانە تروەبرات ورتا مەكتەبىنىڭ مەكتەپكە دەيىنگى دايارلىق سىنىپتارى مەن 1–4-سىنىپ وقۋشىلارى بۇگىن قاشىقتان وقىتۋ فورماتىنا اۋىستىرىلدى. قالعان سىنىپتار مەن باسقا ءبىلىم بەرۋ ۇيىمدارى قالىپتى رەجيمدە جۇمىس ىستەپ جاتىر.
«قازگيدرومەت» دەرەگىنشە، سەيسەنبىگە قاراعان ءتۇنى قوستاناي وبلىسىنىڭ سولتۇستىگى، شىعىسى جانە وڭتۇستىگىندە قار، بوران، كەي جەرلەردە كوكتايعاق پەن تۇمان كۇتىلگەن. سولتۇستىك-شىعىس باعىتتاعى جەلدىڭ جىلدامدىعى سەكۋندىنا 9–14، كەي اۋماقتاردا 15–20 مەترگە دەيىن جەتۋى مۇمكىن. اۋا تەمپەراتۋراسى تۇندە جانە كۇندىز –18…–23° اياز، سولتۇستىگىندە –26°، وڭتۇستىگىندە –13° اياز شاماسىندا بولادى.
قوستاناي قالاسىندا دا اۋىسپالى بۇلتتى كۇن، سولتۇستىك-شىعىس جەلى 9–14 م/س، اۋا تەمپەراتۋراسى تاۋلىك بويى –18…–20° اياز دەڭگەيىندە ساقتالادى.