«استانا ارەنا» ستاديونىندا 9 جەلتوقساندا وتەتىن چەمپيوندار ليگاسىنىڭ «قايرات» – «وليمپياكوس» ويىنىنا وراي كورەرمەندەر ءۇشىن قوسىمشا اۆتوبۋستار رەيسى ۇيىمداستىرىلادى، دەپ حابارلايدى اqshamnews.kz ءتىلشىسى.
قالا اكىمدىگىنىڭ مالىمەتىنشە، ماچ كۇنى ستاديون باعىتىنا شامامەن 25 اۆتوبۋس شىعادى.
اۆتوبۋستار مىنا تۇراقتاردان جۇرەدى:
-
«قالالىق سيرك» اۆتوتۇراعى؛
-
«ازىرەت سۇلتان» مەشىتىنىڭ اۆتوتۇراعى؛
-
«قازاقستان» سپورت كەشەنىنىڭ اۆتوتۇراعى؛
-
ورتالىق پارك اۆتوتۇراعى؛
-
«باس مەشىت» اۆتوتۇراعى.
قوعامدىق كولىك ساعات 18:00-دە قوزعالىستى باستايدى، ستاديونعا دەيىن جانە كەرى باعىتتا قاتىنايدى. جانكۇيەرلەرگە جيناقتالۋ ورىندارىنا 17:30-عا دەيىن كەلۋ ۇسىنىلىپ وتىر.
اكىمدىك دەرەگىنشە، ماچ بارىسىندا استانا قالاسىنىڭ پوليسيا دەپارتامەنتى قاۋىپسىزدىك شارالارىن كۇشەيتەدى. قوعامدىق ءتارتىپتى ساقتاۋ ءۇشىن شامامەن 2800 پوليسيا قىزمەتكەرى، ونىڭ ىشىندە پاترۋلدىك جاساقتار، ۋچاسكەلىك ينسپەكتورلار جانە كينولوگتار تارتىلادى.
سونىمەن قاتار قابانباي باتىر داڭعىلى مەن تۇران داڭعىلىندا كولىك قوزعالىسىنا شەكتەۋ ەنگىزىلمەيتىنى اتاپ ءوتىلدى.
پوليسيا تۇرعىندار مەن قوناقتارعا قوعامدىق ءتارتىپتى بۇزباۋدى، قۇقىق قورعاۋ ورگاندارى قىزمەتكەرلەرىنىڭ تالاپتارىن ورىنداۋدى جانە ماچقا ءقاۋىپسىز ءارى قولايلى جەتۋ ءۇشىن ۇيىمداستىرىلعان اۆتوبۋستاردى پايدالانۋدى ۇسىنادى.