قحا انالار كەڭەسى ءتوراعاسىنىڭ ورىنباسارى كامال الپەيىسوۆا ەكسكليۋزيۆ سۇحبات بەردى.
- كامال حانىم، بۇگىندە قحا انالار كەڭەسى - ەلىمىزدەگى ەڭ بەلسەندى قۇرىلىمداردىڭ ءبىرى. كەيىنگى ۋاقىتتا قانداي باعىتتارعا باسىمدىق بەرىپ وتىرسىزدار؟
- ءيا، راس ايتاسىز. انالار كەڭەسى ءاردايىمقوعامداعى وزەكتى ماسەلەلەرگە ءۇن قوسىپ كەلەدى. ءبىزدىڭ باستى ماقساتىمىز - ۇلتتىق قۇندىلىقتاردىساقتاۋ، وتباسى ينستيتۋتىن نىعايتۋ، ۇرپاقتاربيەسىن جۇيەلى جولعا قويۋ. مەملەكەت وتباسىنا، ايەل مەن بالاعا ۇلكەن قامقورلىق جاساپ وتىر، سولساياساتتىڭ جۇزەگە اسۋىنا ءبىزدىڭ كەڭەستىڭ دە ۇلەسىبار. بيىل ءبىز ەرەكشە نازار اۋدارىپ وتىرعان ماسەلە -مەملەكەت باسشىسى قاسىم-جومارت كەمەلۇلىتوقايەۆ كوتەرگەن «بەس كەسەلگە قارسى كۇرەس». بۇل -بۇكىل قوعامنىڭ قاتىسۋىن قاجەت ەتەتىن اۋقىمدىباعىت.
- «بەس كەسەل» دەگەن ۇعىمدى ناقتىلاپوتسەڭىز. انالار كەڭەسى بۇل باعىتتا قاندايجۇمىستار اتقارۋدا؟
- پرەزيدەنتىمىز قوعامعا ءقاۋىپ توندىرەتىن بەس كەسەلدى اتاپ ءوتتى: جەمقورلىق، جالعاندىق، نەمقۇرايدىلىق، قاتىگەزدىك جانە جاۋاپسىزدىق. ءبىزوسىنىڭ ىشىندە قاتىگەزدىك پەن تۇرمىستىق زورلىق-زومبىلىققا ەرەكشە توقتالدىق. انالار كەڭەسى«سالاۋاتتى سانا» جوباسى ارقىلى ءار وڭىردەگىجاعدايدى سارالادى. مىسالى، الماتى وبلىسىندابيىل تۇرمىستىق زورلىق كورسەتكىشى 23 پايىزداناستام وسكەن. سول سەبەپتى انالار كەڭەسىنىڭ فورۋمىن قونايەۆ قالاسىندا وتكىزدىك. تاقىرىپ تا ناقتى بولدى - «تۇرمىستىق زورلىقتىڭ الدىنالۋدا انالاردىڭ ءرولى».
- فورۋمدا قانداي تۇيتكىلدەر مەن شەشىمدەرايتىلدى؟
- ەڭ ۇلكەن ماسەلە - تۇرمىستىق زورلىقتى «جەكەوتباسىنىڭ ءىسى» دەپ قاراۋ. ىشكى ىستەر ورگاندارىندادا مۇنداي كوزقاراس ءجيى كەزدەسەدى. شىن مانىندە، بۇل - قىلمىس. سوندىقتان ءاربىر شاعىم تىركەلىپ، شارا قولدانىلۋى ءتيىس. ەلىمىزدە ايەلدەر مەن بالالاردىڭ قۇقىقتارىن قورعاۋعا باعىتتالعانساياسات بار، زاڭنامالىق وزگەرىستەر دە ەنگىزىلدى. مىسالى، جۋىردا قابىلدانعان «ايەلدەردىڭقۇقىقتارى مەن بالالاردىڭ قاۋىپسىزدىگىنقامتاماسىز ەتۋ ماسەلەلەرى تۋرالى» زاڭ تۇرمىستىقزورلىق-زومبىلىق ءۇشىن جازانى قاتايتىپ، وتباسىلارعا كومەك كورسەتۋ ينفراقۇرىلىمىندامىتۋعا جول اشتى.
- زاڭ بار، ءبىراق قىلمىس ازايماي وتىر. نەلىكتەن دەپ ويلايسىز؟
- سەبەپ كوپ. كەيدە زاڭدى بىلمەۋ، كەيدەجەرگىلىكتى دەڭگەيدە ءتۇسىندىرۋ جۇمىسىنىڭ السىزدىگى. ال كەيدە جابىرلەنۋشىلەردىڭ وزدەرى دە قورقىنىشتان ءۇنسىز قالادى. سوندىقتان ءبىز تەك جازالاۋ ەمەس، قوعامدىق سانانى وزگەرتۋ جولىنداجۇمىس ىستەۋىمىز كەرەك.
قحا انالار كەڭەسىنىڭ ءتورايىمى نازيپا شانايحانىم جيىندا ايتقانداي، باستى ماقسات زورلىققامۇلدەم توزبەۋشىلىك مادەنيەتىن قالىپتاستىرۋ. ارۇيدە، ءار جۇرەكتە وسى ۇستانىم ورنىقسا، ناتيجەبولادى.
- جيىندا انالار كەڭەسىنىڭ مۇشەلەرى مەن ساراپشىلار قانداي پىكىرلەرمەن ءبولىستى؟
- فورۋمدا تاجىريبەلى ماماندار - پسيحولوگتار، كوۋچتار، قوعام بەلسەندىلەرى بايانداما جاسادى.مىسالى، كلينيكالىق پسيحولوگ، سۋيسيدولوگ رەزەدا بايمۇحامەتوۆا وتباسىنداعى پسيحولوگيالىقكۇيزەلىستىڭ سەبەپتەرى مەن الدىن الۋ امالدارىنتالدادى. «اتا-انالار قاۋىمداستىعى» بىرلەستىگىنىڭتورايىمى اقبايان ءتولباسى قىزى وتباسىداعى رولمەن جاۋاپكەرشىلىكتى دۇرىس قالىپتاستىرۋدىڭماڭىزىن ايتتى. ال ءلاززات راقىشيەۆا - ءوزى دە كەزىندە زورلىق قۇربانى بولعان، ءبىراق بۇگىندەتابىستى پسيحولوگ ءارى قۇقىق قورعاۋشى. ونىڭومىرلىك تاجىريبەسى تىڭداۋشىلارعا ۇلكەن اسەرقالدىردى.
- سەمينارلاردىڭ قانداي ءتيىمدى تۇسىن اتاپ وتسەڭىز
- ءار مامان دارىسىنەن كەيىن قاتىسۋشىلارمەنجەكە كەزدەسىپ، ناقتى كەڭەس بەردى. بۇل - تاجىريبەالماسۋدىڭ ەڭ ءتيىمدى فورماتى. پوليسيا قىزمەتكەرلەرى مەن داعدارىس ورتالىعى ماماندارىدا قاتىسىپ، ءوز وڭىرلەرىندەگى جاعدايدى تالقىلادى.كوپشىلىك انالار كەڭەسى جۇمىسىنىڭ تەك ناسيحاتپەن شەكتەلمەيتىنىن، ناقتى پسيحولوگيالىقجانە الەۋمەتتىك كومەك باعىتتارى بار ەكەنىن كوردى.
- وسى جوبالار جەرگىلىكتى بيلىك تاراپىنانقولداۋ تاۋىپ وتىر ما؟
- ءيا، قۋانىشتىسى - بۇل باعىتتاعىۇسىنىستارعا بيلىك تە سەرگەك قاراي باستادى. الماتى وبلىسىنىڭ اكىمى مارات سۇلتانعازييەۆتىڭانالار كەڭەسىمەن كەزدەسۋىندە ءبىز ۇسىنعان«زورلىق-زومبىلىقسىز ءوڭىر» جوباسى قولداۋ تاپتى. بۇل - مەملەكەتتىك جانە قوعامدىق كۇشتەردىڭبىرىككەن كۇرەسىنىڭ ايعاعى.
- اڭگىمەمىزدى قورىتىندىلاساق، بۇگىنگىانالاردىڭ قوعامداعى ميسسياسىن قالايباعالايسىز؟
- انا - ءومىردىڭ وزەگى، قوعامنىڭ ايناسى. ەگەرانا باقىتتى بولسا، قوعام دا تىنىش. ءبىز، انالار، تەك ءوز وتباسىمىز ءۇشىن ەمەس، ۇلتتىڭ رۋحانيساۋلىعى ءۇشىن جاۋاپتىمىز.
ءبىزدىڭ مىندەت - ۇرپاققا ىزگىلىك پەن ادامگەرشىلىكتىدارىتۋ، قاتىگەزدىك پەن نەمقۇرايدىلىققا قارسىتۇرۋ. بۇل - ءاربىر سانالى ازاماتتىڭ بورىشى.
- اڭگىمەڭىزگە راقمەت!