الماتى اكىمدىگى باعا تۇراقتىلىعىن ساقتاپ، تۇتىنۋ نارىعىنداعى جاعدايدى تۇراقتاندىرۋ بويىنشا جۇيەلى جۇمىس جۇرگىزىپ كەلەدى، دەپ حابارلايدى aqshamnews.kz
بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە قالا اكىمىنىڭ ورىنباسارى ولجاس سماعۇلوۆ مالىمدەدى.
قىركۇيەك قورىتىندىسى بويىنشا الماتىداعى جىلدىق ينفلياسيا دەڭگەيى – 13،2%. بۇل كورسەتكىش ورتاشا رەسپۋبليكالىق دەڭگەيدەن ءسال عانا جوعارى. ال ازىق-تۇلىك تاۋارلارىنىڭ قىمباتتاۋى ەل بويىنشا ەڭ تومەنگى كورسەتكىشتىڭ ءبىرى – 9،2%.
قالادا حالىق تابىسىن قورعاۋعا باعىتتالعان ءبىرقاتار ءىس-شارالار قولعا الىنعان. اتاپ ايتقاندا، سۋمەن قامتۋ، سۋ بۇرۋ، ەلەكتر جانە جىلۋمەن قامتۋ تاريفتەرى تومەندەتىلدى.
باعانى تۇراقتاندىرۋ باعدارلاماسى اياسىندا جەتكىزۋشىلەرمەن تىكەلەي كەلىسىمشارتتار جاسالىپ، دەمالىس كۇنگى جارمەڭكەلەر مەن فەرمەرلەردەن ءونىم جەتكىزۋ ارنالارى كەڭەيتىلدى.
باستى ماقسات – الماتىلىقتاردىڭ ساتىپ الۋ قابىلەتى مەن ءومىر ءسۇرۋ دەڭگەيىن ساقتاۋ.