الاتاۋ اۋداندىق وقۋشىلاردىڭ يننوۆاسيالى شىعارماشىلىق ورتالىعىندا انالار مەرەكەسىنە ارنالعان «انا-گۇل، انا-جىر، ءانا-ومىر شۋاعى» اتتى بۇلدىرشىندەردىڭ شىعارماشىلىق كونسەرتى ءوتتى. الماتى قالاسى مەكتەپكە دەيىنگى ءبىلىم بەرۋ ۇيىمىنىڭ تىكەلەي ۇيتقى بولۋىمەن وتكەن ونەر مەرەكەسىنە الاتاۋ اۋدانىنىڭ 21 بوبەكجاي-بالاباقشاسى قاتىسىپ، ءوز ونەرلەرىن ورتاعا سالدى. اتالمىش كەش «اناشىم، سىزگە مىڭ العىس» اتتى كورمەمەن باستالدى.
كەشتىڭ مازمۇنىنا ساي قىزىلدى-جاسىلدى گۇلمەن كومكەرىلگەن ساحنا كوكتەمنىڭ كەلگەنىن ءبىلدىرىپ تۇرعانداي. وسىناۋ ساتتە كەڭ زالدى قۇستىڭ ءانى كەرنەپ، ناۋرىزەك قۇستىڭ ءۇنى ەستىلدى. ەرەكشە اسەرمەن وسىلاي باستالعان كەش بالالارىنىڭ ونەرىن تاماشالاۋعا كەلگەن اتا-انالاردىڭ كوڭىلىن كوتەرىپ، جانىن جادىراتتى.
اتالمىش كەشتى №183 بوبەكجاي-بالاباقشا «گۇلدەر» بيىمەن اشتى.
انانىڭ ۇلىلىعى تۋرالى «انا» ولەڭىن وقىعان №153 بالاباقشا بۇلدىرشىندەرىنە كوپشىلىك ريزاشىلىق ءبىلدىردى. كەش بارىسىندا №76 بالاباقشا ونەرپازدارى «ادەمى انا»، №1بالاباقشا «داريتە جەنششينام سۆەتى»، №4 بالاباقشا «ابزال انا»، №177 بالاباقشا «انا مەن بالا»، №148 بالاباقشا «انا ءومىر گ ۇلى» №31 بالاباقشا «انا مەن بالا»، №165 بالاباقشا «اناشىم-اي» ءانىن ورىندادى. بىرنەشە اسپاپتىڭ ۇنىنە قوسىلعان №150 بوبەكجاي ونەرپازدارى «استانا-دۋمان» شىعارماسىن ورىندادى. كەلەسى كەزەكتە №148 بالاباقشانىڭ كىشكەنتاي بيشىلەرى «ەرجۇرەك قىزدار» ءبيىن، №78 بوبەكجاي-بالاباقشا «اكە مەن بالا»، №120 بالاباقشانىڭ بيشىلەرى «قۋىرشاقتار»، №161 بالاباقشا «تەكەمەت»، №95 بالاباقشا « الاتاۋ» ءبيىن بيلەدى.
بۇل كەشتە كونە اسپاپتاردىڭ دا كۇمبىرى ەستىلىپ، №130 بالاباقشا بالاقايلارى حالىق ءانى «يليگاي ساۋلەمدى» شەرتەرمەن قوسىلا شىرقادى. سونىمەن قاتار، №164 بالاباقشا قازاق كۇيلەرىنەن، ال №84 بوبەكجاي-بالاباقشا «انا تۋرالى» اندەردەن ورىنداعان پاپۋريلەرى دە ءساتتى شىقتى.
№197 بالاباقشا «كەلشى، كەلشى، بالاشىم!»
كەش الاتاۋ اۋداندىق ءبىلىم ءبولىمىنىڭ مەكتەپكە دەيىنگى مەكەمە باس مامانى مانشۇك ءساپين قىزى مەن بالاباقشا مەڭگەرۋشىلەرى قوسىلا شىرقاعان «العىس انىمەن ءوز مارەسىنە جەتتى.
تاقىرىپقا وراي:
ءاليا جولداسبەك قىزى، قالالىق ءبىلىم باسقارماسىنىڭ مەكتەپكە دەيىنگى ءبولىمىنىڭ باسشىسى:
- كوكتەم مەرەكەسىنە، ابازال انالارىمىزعا الاتاۋ اۋدانى ءبىلىم ءبولىمى ۇلكەن تارتۋ جاساپ وتىر. وسى كەش بارىسىندا «بالا-بالاباقشا -اتا-انا» ۇشتىگىنىڭ تىعىز بايلانىستا ەكەنىنە كۋا بولدىق. وسىناۋ كەش بويى تاقىمىن قىسقان اتا-انالاردىڭ قۋانىشىنا كۋا بولدىق. «بۇلاق كورسەڭ، كوزىن اش» دەمەكشى قانشاما تالانتتى بالاقايدىڭ ۇلكەن ساحناداعى العاشقى تۇساۋى كەسىلدى. اتا-انالاردىڭ قۋانعان ءساتىن كورۋدىڭ ءوزى قۋانىش. ءبىز سونداي ساتكە كۋا بولدىق. بۇل-مەكتەپكە دەيىنگى مەكەمە قىزمەتكەرلەرىنىڭ تىنىمسىز ەڭبەگىنىڭ جەمىسى.