2025 جىلعى 1-5 ناۋرىزدا بەس تاۋلىك ىشىندە اۋا-رايىنىڭ ناشارلاۋىنا، بورانعا، كوكتايعاققا، قاتتى جەلگە جانە نولدىك كورىنۋگە بايلانىستى تجم 255 ادامدى قۇتقارىپ، ەۆاكۋاسيالادى. سونداي-اق 100 اۆتوماشينانى قار قۇرساۋىنان شىعاردى. اۆاريالىق-قۇتقارۋ جانە ىزدەستىرۋ-قۇتقارۋ جۇمىستارىن جۇرگىزۋگە 306 شىعۋ جاسالدى.
اۋا-رايىنىڭ ناشارلاۋى تۋرالى داۋىلدى ەسكەرتۋلەر مەن اۆتوجولداردىڭ جابىلۋى تۋرالى حابارلامالار سمس-حابارلامالار، تجم، اۋماقتىق بولىمشەلەردىڭ ينتەرنەت-رەسۋرستارى جانە الەۋمەتتىك جەلىلەرى ارقىلى حالىققا جەتكىزىلدى، دەپ حابارلايدى aqshamnews.kz.
قۇتقارۋ جۇمىستارىن ەرەكشە اتاپ وتكەن ءجون:
اقتوبە وبلىسىنداعا ۆاريالىق-قۇتقارۋ جۇمىستارى
34 ادام قۇتقارىلدى
2 ناۋرىزدا ءتۇن ورتاسىندا ىرگىز اۋدانىنىڭ اتتاس اۋىلىنان 15 شاقىرىم جەردە 4 جەڭىل اۆتوكولىك قار قۇرساۋىندا قالىپ قويىپ، قۇتقارۋشىلار ىشىندە قالعان 15 ادامدى، ونىڭ ىشىندە 2 بالانى جىلىتۋ پۋنكتىنە ەۆاكۋاسيالادى. تاڭعا جاقىن جوعارىدا اتالعان جەردە قۇتقارۋشىلار قار قۇرساۋىنان جول تالعامايتىن كولىكتى جولدىڭ تازارتىلعان ۋچاسكەسىنە سۇيرەپ شىعارىپ، ونى ەڭ جاقىن ەلدى مەكەنگە دەيىن ەرتىپ باردى. سالوندا 3 ادام بولدى. سونداي-اق، ايتەكە بي اۋدانىندا «جۇرگەنوۆ-سارات» اۆتوجولىندا 3 اۆتوكولىك قار قۇرساۋىندا قالىپ، ىشىندەگى 2 بالانى ساناعاندا 12 ادام قۇتقارىلىپ، جۇرگەنوۆ اۋىلىنا جەتكىزىلدى. تاڭەرتەڭ مۇعالجار اۋدانى جۇرىن اۋىلىنان 10 كم قاشىقتىقتا تجم كۇشىمەن ەمبى قالاسىنا 4 ادام قۇتقارىلىپ جەتكىزىلدى.
قۇتقارۋشىلار 33 شەتەل ازاماتىن ەۆاكۋاسيالادى
تۇندە 3 ناۋرىزدا ىرعىز اۋدانى اتتاس كەنتىنەن 40 كم قاشىقتىقتا «سامارا-شىمكەنت» تاس جولىنىڭ جابىق ۋچاسكەسىندە «ۋفا – سامارقاند» جولاۋشىلار اۆتوبۋسى جۇك كولىگىمەن سوقتىعىسقان. تجم قىزمەتكەرلەرى ۆاحتوۆكامەن 33 وزبەكىستان ازاماتىن جولدىڭ ءقاۋىپسىز اشىق ۋچاسكەسىندە ورنالاسقان باسقا اۆتوبۋسقا دەيىن ەۆاكۋاسيالادى. زارداپ شەككەندەر جوق.
قار قۇرساۋىنان 32 ادام قۇتقارىلدى
5 ناۋرىزدا العا اۋدانىندا «العا قالاسى - ەسەت كوكى ۇلى كەنتى - توقمانساي كەنتى» اۆتوجولىندا تجم قىزمەتكەرلەرى جول تالعامايتىن ترەكول كولىگىمەن 16 جولاۋشىنى قار قۇرساۋىندا قالعان اۆتوبۋستان ەۆاكۋاسيالادى، بارلىعى توقمانساي كەنتىنە جەتكىزىلدى. شالقار اۋدانىندا «شالقار-شەتىرعىز» اۆتوجولىندا تجم كۇشتەرى قار قۇرساۋىندا قالعان 2 جەڭىل كولىكتى جولدىڭ تازارتىلعان ۋچاسكەسىنە سۇيرەپ شىعاردى، سالوندا 8 ادام بولدى. قوبدا اۋدانىندا «اقتوبە-ورال» اۆتوجولىنىڭ 575 شاقىرىمىندا قوبدا اۋىلىنان 40 شاقىرىم جەردە تجم كۇشتەرىمەن جولدان شىعىپ كەتىپ، قارعا باتىپ قالعان مينيۆەندى جولدىڭ تازارتىلعان ۋچاسكەسىنە سۇيرەپ شىعاردى، سالوندا 8 ادام بولدى.
زارداپ شەككەن بالانى تاسىمالداپ، ناۋقاس ادامعا كومەككە كەلدى
5 ناۋرىزدا تجم قىزمەتكەرلەرىنە تەمىر اۋدانىنداعى شارۋا قوجالىقتاردىڭ بىرىندە ءۇش جاسار بالانىڭ اۋىرىپ قالعانى جانە مەديسينالىق مەكەمەگە تاسىمالداۋدى قاجەت ەتەتىندىگى تۋرالى حابارلاما كەلىپ ءتۇستى. شۇبارقۇدىق كەنتىنەن 20 شاقىرىم قاشىقتىقتاعى شارۋا قوجالىعىنا باراتىن جولدى قار باسقاندىقتان، جەدەل جاردەم قىزمەتكەرلەرىمەن بىرگە جول تالعامايتىن «ترەكول» كولىگىمەن جولعا شىعۋعا شەشىم قابىلداندى. جولدىڭ قيىن بولىگىن وتىمدىلىگى جوعارى كولىكپەن ەڭسەرە وتىرىپ، قۇتقارۋشىلار بالاقايدى شۇعىل تۇردە شۇبارقۇدىق كەنتىندەگى اۋرۋحاناعا جەتكىزدى.
سونىمەن قاتار حرومتاۋ اۋدانىنىڭ قۇتقارۋ قىزمەتىنە تاسساي اۋىلدىق وكرۋگىندەگى شارۋا قوجالىعىنا جولدىڭ بولماۋىنىڭ سەبەبىنەن 1969 جىلعى ەر ازاماتتى اۋرۋحاناعا جەتكىزۋگە كومەك قاجەتتىگى تۋرالى حابارلاما كەلىپ ءتۇستى. شاقىرتۋدى العان سوڭ قۇتقارۋشىلار تەز ارادا ارنايى تەحنيكامەن وقيعا ورنىنا شىقتى. تجم قۇتقارۋشىلارى «جولدىڭ قيىن بولىگىن ەڭسەرىپ»، مەديسينالىق كومەككە مۇقتاج ناۋقاس ادامدى اۋدان ورتالىعىنىڭ اۋرۋحاناسىنا جەتكىزدى.
ماڭعىستاۋ وبلىسىندا قۇتقارۋشىلار 48-دەن استام جۇك كولىكتەرىن سۇيرەپ شىعاردى
2 ناۋرىزدا تۇندە قاراقيا اۋدانىندا قازاقستان–تۇرىكمەنستان تاس جولىنىڭ جاڭاوزەن قالاسىنان 170 شاقىرىم جەرىندە قارلى بوران سالدارىنان 40-تان استام جۇك كولىگى تۇرىپ قالعان. تجم قىزمەتكەرلەرى جاڭاوزەن قالاسىنان جەتىپ، كولىكتەردى سۇيرەپ اسۋدان ءوتىپ كەتۋگە كومەكتەستى. جۇك كولىكتەرىنىڭ جۇرگىزۋشىلەرى ءوز ساپارلارىن جالعاستىردى.
جامبىل وبلىسىندا 21 ادامدى قۇتقاردى
4 ناۋرىزدا جۋالى اۋدانى «ب. مومىشۇلى-كولتوعان-قوشقاراتا-قىزتوعان» اۆتوجولىنىڭ قۇرەنبەل اۋىلىنىڭ ماڭىندا، سونداي-اق ەرتاي اۋىلىنىڭ جانىندا 5 جەڭىل كولىك قار قۇرساۋىندا قالىپ كويدى. كولىك ىشىندە 21 ادام، ونىڭ ىشىندە 3 بالا بولدى. تجم قىزمەتكەرلەرى وقيعا ورنىنا جول تالعامايتىن كولىكپەن جەدەل كەلىپ، قۇتقارىلعانداردى كۇرەڭبەل ا. ەۆاكۋاسيالادى.
قوستاناي وبلىسىنىداعى اۆاريالىق-قۇتقارۋ جۇمىستار
قۇتقارۋشىلار ايەلدىڭ اۋرۋحاناعا جەتۋىنە كومەكتەستى
5 ناۋرىزدا قاراسۋ اۋدانىندا تجم قىزمەتكەرلەرى جەرگىلىكتى تۇرعىندى جوعارى وتىمدىلىكتى تەحنيكامەن اۋرۋحاناعا جەتكىزىپ، كومەك كورسەتتى. ايەل ادام نوۆوسەلوۆكا اۋىلىنان جولدى قار باسقاندىقتان مەديسينالىق مەكەمەگە ءوز بەتىنشە جەتە الماعان. قۇتقارۋشىلار جەدەل ارەكەت ەتتى. ولار وقيعا ورنىنا تەز جەتىپ، 1967 ج.ت. ايەلدى قاراسۋ اۋداندىق اۋرۋحاناسىنا جەتكىزدى. تجم قىزمەتكەرلەرىنىڭ جەدەل ارەكەتتەرىنىڭ ارقاسىندا ناۋقاس ۋاقىتىلى قاجەتتى مەديسينالىق كومەكتى الدى.
شەتەلدىكتەرگە كومەك كورسەتۋ
5 ناۋرىزدا فەدوروۆ اۋدانىندا «رۋدنىي - قاشار - فەدوروۆكا» اۆتوجولىنىڭ 25ء-شى شاقىرىمىندا 59 تاجىكستان رەسپۋبليكاسىنىڭ ازاماتتارى مىنگەن اۆتوبۋس جولدان شىعىپ كەتىپ، ءوز بەتىنشە قوزعالىسىن جالعاستىرا المادى. وقيعا ورنىنا جەدەل تۇردە قۇتقارۋشىلار كەلدى. ولار جول تالعامايتىن شىنجىر تاباندى ترانسپورتەر-تارتقىشتىڭ كومەگىمەن كولىك قۇرالىن جولعا تارتىپ شىعاردى. جولشىلار تجم قۇتقارۋشىلارىنا جەدەلدىگى ءۇشىن العىستارىن ءبىلدىردى. اۆتوبۋس ارى قاراي جولىن جالعاستىردى.
اتىراۋ وبلىسىندا 10 مۇنايشى قۇتقارىلدى
5 ناۋرىزدا قىزىلقوعا اۋدانىندا ساعىز اۋىلىنان 20 شاقىرىم جەردە ۋرال اۆتوكولىگىنە مىنگەن مۇناي كومپانياسىنىڭ جۇمىسشىلارى قار قۇرساۋىندا قالىپ قويدى. كومەككە تجم قىزمەتكەرلەرى «ترەكول» جول تالعامايتىن كولىگىمەن شىقتى. قار باسقان جولمەن بىرنەشە شاقىرىم جول ءجۇرىپ، قۇتقارۋشىلار ساعىز اۋىلىنا 10 ادامدى ەۆاكۋاسيالادى.
باتىس قازاقستان وبلىسىندا تجم قىزمەتكەرلەرى جوعالعان ادامدى تاۋىپ، قۇتقاردى
5 ناۋرىزدا ىزدەستىرۋ-قۇتقارۋ وپەراسياسى تەرەكتى اۋدانىندا جۇرگىزىلدى. كەشە 1971 ج.ت. ەر ادام شارۋاشىلىق قوجالىعىنان جىلقىعا ءمىنىپ مال ىزدەۋگە شىققان. بۇگىن ول اداسىپ كەتىپ قۇتقارۋشىلاردان كومەك سۇرادى. ىزدەۋگە قۇتقارۋشىلار وتىمدىلىگى جوعارى كولىكپەن شىقتى. ءتورت ساعات جول جۇرە وتىرىپ قۇتقارۋشىلار ەر ادامدى دالادان تاپتى. ول زارداپ شەككەن جوق. بەلگىلى بولعانداي ول قويۋ تۋماننىڭ كەسىرىنەن اداسىپ كەتكەن.
سونىمەن قاتار اقمولا، شىعىس قازاقستان، قاراعاندى، سولتۇستىك قازاقستان، ۇلىتاۋ وبلىستارىندا تۇرعىنداردى قۇتقارۋ مەن تەحنيكانى قار قۇرساۋىنان شىعارۋ بويىنشا قۇتقارۋ وپەراسيالارى جۇرگىزىلدى.
تجد كۇشىمەن وتىمدىلىگى جوعارى تەحنيكاسىندا اۆتوجولداردىڭ كۇردەلى قارلى ۋچاسكەلەرىندە ادامداردىڭ جانە كەپتەلىستە قالعان اۆتوكولىكتەردىڭ بولۋىنا پاترۋلدەۋ جۇرگىزىلدى. قۇتقارۋشىلار حالىققا كومەك كورسەتىپ، اۆتوجولداردا قاۋىپسىزدىكتى قامتاماسىز ەتە وتىرىپ، تاۋلىك بويى جۇمىس ىستەۋدى جالعاستىرۋدا.
قازاقستان تجم ازاماتتاردى ساقتىق شارالارىن ساقتاۋعا، داۋىلدى ەسكەرتۋلەردى قاداعالاۋعا جانە قولايسىز اۋا رايى جاعدايىندا الىس ساپارلارعا شىقپاۋعا شاقىرادى. اۋىل تۇرعىندارىنا اۋا-رايىنىڭ ناشارلاۋى جاعدايىندا ۇزاق سەرۋەندەۋدەن باس تارتۋ ۇسىنىلادى.