اباي وبلىسىندا سوت بەس تۇلعانى اكىمشىلىك قۇقىقبۇزۋشىلىق جاساعانى ءۇشىن كىنالى دەپ تانىپ، 41 286 تەڭگە مولشەرىندە ايىپپۇل سالدى، دەپ حابارلايدى aqshamnews.kz
ءوڭىر پروكۋراتۋراسىنىڭ مالىمەتىنە سۇيەنسەك، جارما اۋدانىندا جۇرگىزىلگەن رەيد بارىسىندا ءتيىستى رۇقساتسىز التىن جانە باسقا دا پايدالى قازبالاردى ىزدەۋمەن اينالىسقان بەس تۇلعانى انىقتادى. قۇقىقبۇزۋشىلاردان زاڭسىز قىزمەتتە پايدالانىلعان مەتالل ىزدەگىشتەر تاركىلەندى.
سوت اتالعان تۇلعالاردى اقبتك-نىڭ 463-بابىندا كوزدەلگەن اكىمشىلىك قۇقىقبۇزۋشىلىق جاساعانى ءۇشىن كىنالى دەپ تانىپ، 41 286 تەڭگە مولشەرىندە ايىپپۇل سالۋ جانە جابدىقتاردى مەملەكەت كىرىسىنە تاركىلەۋ تۇرىندەگى جازا تاعايىندادى.
"اباي وبلىسىنىڭ مامانداندىرىلعان تابيعات قورعاۋ پروكۋراتۋراسى پايدالى قازبالاردى زاڭسىز ءوندىرۋ اكىمشىلىك جانە قىلمىستىق جاۋاپتىلىققا اكەپ سوعاتىنىن ەسكە سالادى"،- دەپ ەسكەرتتى ۆەدومستۆو.