جەلىدە تاراعان بالانى تەپكىلەپ، ۇرىپ-سوققان ايەل پوليسياعا جەتكىزىلدى، دەپ حابارلايدى aqshamnews.kz
الەۋمەتتىك جەلىدە تاراپ كەتكەن ۆيدەودا ايەل مەكتەپ جاسىنا تولماعان بالانى باتارەياعا تىرەپ، اياۋسىز سابالاعان. وعان قوسا تەپكىلەگەنى دە انىق كورىنەدى.
پاتەردە بۇدان بولەك تاعى ءۇش بالا بار. الدىن الا مالىمەت بويىنشا، جاۋىزدىق تانىتقان كەلىنشەك بۇلدىرشىندەردىڭ تۋعان اناسى. كوپتىڭ اشۋىن كەلتىرگەن بەينەجازبانى اكەسى ءتۇسىرىپ، جەلىگە تاراتقان كورىنەدى.
زاڭگەر جانەركە كەڭەسبايەۆانىڭ سوزىنشە، ونىڭ جولداعان ءوتىنىشى نەگىزىندە بەينەجازباداعى ايەل مەن ۆيدەونى ءتۇسىرىپ تۇرعان ەر ادام پانفيلوۆ اۋدانى پوليسيا باسقارماسىنا جەتكىزىلگەن.
جەتىسۋ وبلىستىق پوليسيا دەپارتامەنتىنىڭ مالىمەتىنشە، اتالعان فاكتى بويىنشا قىلمىستىق ءىس قوزعالدى. 28 جاستاعى ايەل ۋاقىتشا ۇستاۋ يزولياتورىنا قامالدى.
ال، بالالاردىڭ قاۋىپسىزدىگىن قامتاماسىز ەتۋ ماقساتىندا بارلىق ءمان-جاي انىقتالعانعا دەيىن ولار وتباسىن قولداۋ ورتالىعىنا ۋاقىتشا ورنالاستىرىلدى.
سونىمەن قاتار، قامقورشىلىق جانە قورعانشىلىق ورگاندارىنا اتا-انا قۇقىعىنان ايىرۋ ماسەلەسىن قاراستىرۋ تۋرالى رەسمي ۇسىنىس جولدانعان.