بەلگىسىز بىرەۋ كۇش قولدانامىن دەپ قورقىتىپ، جابىرلەنۋشىنى بايلاپ، زەرگەرلىك بۇيىمدار، باعالى مۇلىك پەن اقشالاي قاراجاتتى الىپ كەتكەن، دەپ حابارلايدى aqshamnews.kz
اتالعان فاكتى بويىنشا قىلمىستىق ءىس قوزعالدى.
جەدەل-ىزدەستىرۋ ءىس-شارالارى بارىسىندا كريمينالدىق پوليسيا قىزمەتكەرلەرى قىسقا مەرزىم ىشىندە ەكى كۇدىكتىنى انىقتاپ، ۇستادى. تەرگەۋ ارەكەتتەرى كەزىندە ۇرلانعان مۇلىكتىڭ ەداۋىر بولىگى تاركىلەندى.
ۇستالعان ازاماتتار كىناسىن مويىنداپ، ۋاقىتشا ۇستاۋ يزولياتورىنا قامالدى.
"بۇل قىلمىستىڭ اشىلۋى – ىسكە جۇمىلدىرىلعان بارلىق بولىمشەلەردىڭ ۇيلەسىمدى ءارى كاسىبي جۇمىسىنىڭ ناتيجەسى. "زاڭ مەن ءتارتىپ" قاعيداتى ءبىز ءۇشىن جاي ۇران ەمەس، كۇندەلىكتى قىزمەتتىڭ باستى تالابى. اۋىر قىلمىستاردىڭ ەشقايسىسى جاۋاپسىز قالمايدى، ال ءاربىر جابىرلەنۋشى مەملەكەت پەن پوليسيانىڭ ءوز جاعىندا ەكەنىنە سەنىمدى بولۋى ءتيىس"، – دەدى الماتى قالاسى پوليسيا دەپارتامەنتى باستىعىنىڭ ءبىرىنشى ورىنباسارى قۋاتبەك ناۋاتوۆ.
كۇدىكتىلەردىڭ وسىعان ۇقساس وزگە دە قىلمىستارعا قاتىسى بار-جوعى تەكسەرىلىپ جاتىر.