الداعى ءۇش جىلدا قازاقستاننىڭ التىن ءوندىرۋ سالاسىندا جالپى قۇنى 780 ميلليارد تەڭگەنى قۇرايتىن 13 ينۆەستيسيالىق جوبانى ىسكە اسىرۋ جوسپارلانعان. «QazIndustry» اق جوبالاردى ىسكە اسىرۋعا مونيتورينگ جۇرگىزۋ جانە تالداۋ ديرەكسياسى اقپاراتى بويىنشا اتالمىش جوبالار اياسىندا 3400 جاڭا جۇمىس ورنى قۇرىلاتىن بولادى، دەپ حابارلايدى aqshamnews.kz
2025-2028 جىلدار ارالىعىندا جۇزەگە اساتىن جوبالار اياسىندا 20،6 ميلليون توننا كەن وڭدەلىپ، 21 توننا دورە قورىتپاسى وندىرىلەدى.
سالاداعى ايتارلىقتاي دامۋ قارقىنى قازاقستاننىڭ الەمدىك قىمبات مەتاللدار نارىعىنداعى ورنىن نىعايتا تۇسۋگە مۇمكىندىك بەرەدى. التىن جانە باسقا دا باعالى مەتالل بار ءىرى كەن ورىندارىن قامتيتىن باي شيكىزات بازاسىنىڭ بولۋى رەسپۋبليكانىڭ التىن وڭدەۋ سالاسىنداعى جوبالاردى ىسكە اسىرۋ ماقساتىندا رەسپۋبليكانىڭ ينۆەستيسيالىق تارتىمدىلىعىن ارتتىرادى.
جالپى، سوڭعى ون جىلدا ەلدە كەن بايىتۋ كومبيناتتارىن سالۋ، جاڭعىرتۋ جانە كەڭەيتۋ باعىتىندا 19 جوبا ىسكە اسىرىلدى. ولاردىڭ جىلدىق كەن وڭدەۋ قۋاتى – 27،2 ملن توننا، بۇل شامامەن 29،1 توننا دورە قورىتپاسىن وندىرۋگە مۇمكىندىك بەرسە، بۇل جوبالاردىڭ جالپى قۇنى 420،3 ميلليارد تەڭگەنى قۇرايدى. سالىنعان ينۆەستيسيا كولەمى شامامەن 460 ملرد تەڭگە بولىپ، 4400 جاڭا جۇمىس ورنى اشىلدى.
ىسكە اسقان جوبالارداعى ينۆەستيسيالاردىڭ باسىم بولىگى التىن ءوندىرۋ فابريكالارىن سالۋعا باعىتتالعان. سونىڭ ىشىندە اقمولا وبلىسىنداعى «رايگورودوك» كەن ورنىندا جىلىنا 5 ملن توننا كەن وڭدەيتىن كەشەن («RG Gold» جانە «RG Processing» ج ش س)، سونداي-اق اباي وبلىسىنداعى «باقىرشىق» كەن ورنىندا جىلىنا 2 ملن توننا كەن وڭدەيتىن ءوندىرىس («باقىرشىق تاۋ-كەن كاسىپورنى» ج ش س) بار.
جوبالاردىڭ باسىم كوپشىلىگى اقمولا جانە قاراعاندى وبلىستارىندا شوعىرلانعان. ال ينۆەستيسيا كولەمى بويىنشا پاۆلودار (27،7%) جانە اقمولا (18،8%) وبلىستارى الدا كەلەدى.
قازاقستانداعى التىن ءوندىرۋ سالاسىنداعى ينۆەستيسيالىق جوبالار تۇراقتى دامىپ كەلەدى جانە ستراتەگيالىق ماڭىزعا يە. جوعارى تەحنولوگيالى وندىرىستەردىڭ ءوسۋى، حالىقارالىق ارىپتەستىك جانە مەملەكەتتىك قولداۋ سالانىڭ ءارى قاراي دامۋىنا جانە ونى جاھاندىق نارىققا شىعارۋعا بەرىك نەگىز قالايدى.