مەملەكەت باسشىسىنىڭ اۋىل شارۋاشىلىعىنىڭ جالپى ءونىم كولەمىن ەكى ەسەگە ارتتىرۋ جانە يمپورتتى الماستىرۋ جونىندەگى تاپسىرماسى اياسىندا وڭىرلەردە ونەركاسىپتىك ءسۇت-تاۋارلى فەرمالارىن سالۋ جۇمىستارى بەلسەندى تۇردە جۇرگىزىلۋدە، دەپ حابارلايدى aqshamnews.kz
اۋىل شارۋاشىلىعى مينيسترلىگى اقمولا وبلىسىنداعى ءسۇت-تاۋارلى فەرمالارىنا باسپا ءسوز تۋرىن ۇيىمداستىردى. شارا بارىسىندا ب ا ق وكىلدەرى جۇمىس ىستەپ تۇرعان «رودينا»، «ەڭبەك» جانە «ەن-دالا» شارۋاشىلىقتارىنىڭ قىزمەتىمەن تانىستى. جوبالار 2023 جىلى رەسپۋبليكالىق بيۋدجەتتەن بولىنگەن قاراجات ەسەبىنەن سولتۇستىك قازاقستان وبلىسىنىڭ تاجىريبەسىن تاراتۋ باعدارلاماسى اياسىندا قارجىلاندىرىلدى.
«ەڭبەك» شارۋاشىلىعى ەگىنشىلىكپەن، تۇقىم شارۋاشىلىعىمەن، ورگانيكالىق ەگىنشىلىكپەن، سونداي-اق ءسۇت باعىتىنداعى ءىرى قارا مال وسىرۋمەن اينالىسادى. 2024 جىلى «ەڭبەك» ج ش س قازاقستانداعى العاشقى ورگانيكالىق ءسۇت-تاۋارلى فەرماسىن ىسكە قوستى. كاسىپورىن جىلىنا 3 مىڭ تونناعا دەيىن ءسۇت وندىرەدى. جوبا قۇنى – 8،2 ملرد تەڭگە. فەرماعا سقو تاجىريبەسىن تاراتۋ باعدارلاماسى اياسىندا دانيادان 269 گولشتين تۇقىمدى ءىرى قارا مال اكەلىندى (جالپى 900 باس).
فەرمادا جاساندى ينتەللەكتپەن جابدىقتالعان ءتورت دوڭاي روبوت ورناتىلعان، ءارقايسىسى كۇنىنە 65 باسقا دەيىن ساۋۋعا ارنالعان.
جۋرناليستەرگە روبوتتاندىرۋدىڭ ارتىقشىلىقتارى تۋرالى ايتىلدى: ادامي فاكتوردى ازايتۋ، قول ەڭبەگىن قىسقارتۋ، اداممەن تىكەلەي بايلانىستىڭ بولماۋى – بۇل جانۋارلاردىڭ كۇيزەلىسكە ۇشىراۋ دەڭگەيىن تومەندەتىپ، ءسۇت ساپاسىن جاقسارتادى جانە ونىمدىلىكتى ارتتىرادى.
2025 جىلى تاعى ەكى قورا مەن 8 روبوتتى ىسكە قوسۋ جوسپارلانىپ وتىر. تولىق قۋاتقا شىعۋ سول جىلى كۇتىلۋدە. بولاشاقتا تەرەڭ وڭدەۋ مەن ورگانيكالىق ىرىمشىك ءوندىرىسىن ىسكە قوسۋ كوزدەلۋدە.
سەلينوگراد اۋدانىندا ورنالاسقان «رودينا» اگروفيرماسى 2025 جىلدىڭ باسىندا قازاقستان مەن ورتالىق ازيادا بالاماسى جوق روبوتتاندىرىلعان ساۋۋ سەحىن ىسكە قوستى. ساۋۋ كارۋسەلى 5 ساعاتتا 2 000 باسقا دەيىن مالدى قامتي الادى، ءبىر مەزەتتە 80 باستى سىيعىزادى. جوعارى دەڭگەيدەگى اۆتوماتتاندىرۋدىڭ ارقاسىندا پروسەستى 12 ادامنان تۇراتىن ءبىر اۋىسىم اتقارا الادى.
- ساۋۋ زالى جانۋارلار مەن پەرسونالعا جايلىلىقتى قامتاماسىز ەتەتىن يننوۆاسيالىق تەحنولوگيالارمەن جابدىقتالعان. جوبا اياسىندا فەرما 1 132 باسقا دەيىن كەڭەيتىلىپ، 850 باسقا ارنالعان بۇزاۋ قورا سالىندى.
- اگروفيرما وكىلدەرىنىڭ ايتۋىنشا، ينۆەستيسيالىق جوبانى ىسكە اسىرۋ جالپى ءسۇت ءوندىرىسىنىڭ كولەمىن 34،5 مىڭ توننادان 40 مىڭ تونناعا دەيىن ۇلعايتۋعا جانە ەڭبەك ونىمدىلىگىن 1،5 ەسەگە ارتتىرۋعا مۇمكىندىك بەرەدى.
- 2024 جىلى «ەن-دالا» ج ش س وڭىردەگى ەڭ ءىرى 2 000 باسقا ارنالعان ءسۇت-تاۋارلى فەرماسىن ىسكە قوستى. جوبا قۇنى – 11،5 ملرد تەڭگە. شارۋاشىلىقتا 1 989 ءىرى قارا مەن 900 جىلقى بار.
2024 جىلى كاسىپورىن DeLaval كومپانياسىنىڭ زاماناۋي جابدىقتارىن ەنگىزدى: 50 ورىندىق ساۋۋ كارۋسەلى، TSR روبوتى، CWC سالقىنداتقىشى، «شىرشا» (2ح5) ساۋۋ زالى، سونداي-اق جانۋارلاردى سالقىنداتىلعان شاتىرلى جايلاردا ۇستاۋعا ارنالعان عيماراتتار.
فەرما تاۋلىگىنە شامامەن 30 توننا شيكى ءسۇت وندىرەدى. 2025 جىلدىڭ سوڭىنا دەيىن بۇل كورسەتكىشتى 50 تونناعا دەيىن ارتتىرۋ جوسپارلانىپ وتىر.
جالپى، 2023 جىلى سقو تاجىريبەسىن تاراتۋ باعدارلاماسى بويىنشا قازاقستاندا 69 ءسۇت-تاۋارلى فەرماسىنىڭ قۇرىلىسى قارجىلاندىرىلدى. ونىڭ ىشىندە جالپى قۋاتتىلىعى 270 مىڭ توننادان اساتىن 40 فەرما پايدالانۋعا بەرىلدى. تاعى 29 فەرمانى 2025 جىلى ىسكە قوسۋ كوزدەلۋدە، ولاردىڭ قۋاتتىلىعى شامامەن 100 مىڭ توننانى قۇرايدى.
قازىرگى ۋاقىتتا باعدارلاما اياسىندا قوسىمشا 12 ستف قارجىلاندىرىلىپ، تاعى 4-ەۋىن قارجىلاندىرۋ جوسپارلانعان. 2025 جىلدىڭ سوڭىنا دەيىن ولاردىڭ سەگىزىن ىسكە قوسۋ جوسپارلانىپ وتىر، ولاردىڭ وندىرىستىك كولەمى – 37 مىڭ توننا.
سونىمەن قاتار، 2025 جىلى وسى باعدارلاما بويىنشا تاعى 25 جاڭا ستف سالۋ جانە 7 فەرمانىڭ وندىرىستىك قۋاتىن كەڭەيتۋ كوزدەلگەن. جالپى 32 فەرمانىڭ جيىنتىق قۋاتى – 160 مىڭ توننا.
وسىلايشا، جالپى قۋاتتىلىعى جىلىنا 600 مىڭ توننادان اساتىن 110 ونەركاسىپتىك ءسۇت-تاۋارلى فەرماسىن سالۋ جانە كەڭەيتۋ ەلىمىزدىڭ ىشكى قاجەتتىلىگىن تولىق قامتاماسىز ەتۋگە جانە ءسۇت ونىمدەرى بويىنشا يمپورتقا تاۋەلدىلىكتى ايتارلىقتاي تومەندەتۋگە مۇمكىندىك بەرەدى.