«شەنچجوۋ-13» عارىش اپپاراتى 2021 جىلدىڭ قازان ايىندا ۇشىرىلعان
ءۇش عارىشكەر مىنگەن «شەنچجوۋ-13» عارىش كەمەسىنىڭ كاپسۋلاسى سەنبى كۇنى تاڭەرتەڭ قىتايدىڭ سولتۇستىگىنە امان-ەسەن قوندى، دەپ حابارلايدى Almaty-akshamy.kz قازاقپارات-قا سىلتەمە جاساپ.
بۇل تۋرالى سينحۋا اگەنتتىگى جاريالادى.
«ءۇش قىتايلىق استروناۆت ەكيپاجى بار «شەنچجوۋ-13» عارىش كەمەسىنىڭ كاپسۋلاسى قىتايدىڭ سولتۇستىگىندەگى ىشكى موڭعوليا اۆتونوميا اۋدانىنا امان-ەسەن قوندى. قونۋ قالىپتى بولدى، بارلىعى ءوزىن جاقسى سەزىنەدى» دەلىنگەن حابارلامادا.
بۇل عارىش ساپارىندا ءۇش تايكوناۆت (عارىشكەرلەردى قىتايدا وسىلاي اتايدى) جاي چجيگان، ۆان ياپين جانە ە گۋانفۋ التى اي بويى ءبىر ميسسيانىڭ بولىگى رەتىندە عارىشتا وتكىزگەن ۋاقىت بويىنشا رەكورد ورناتتى. ەستەرىڭىزگە سالا كەتەيىك، «شەنچجوۋ-13» عارىش اپپاراتى 2021 جىلدىڭ قازان ايىندا ۇشىرىلعان ەدى.