كونسەرتىن وتكىزۋگە پراگاعا ۇشىپ كەلگەن ديماش كولىكتىڭ ۇستىندە وتىرىپ قولتاڭبا تاراتتى

انشىگە چەح ستيلىندە قولدان جاسالعان سىيلىقتار تاپسىرىلدى

كەشە پراگاداعى «تيپسپورت» ارەناسىنىڭ جانىنا جينالعان ادام قاراسى كوپ بولدى. الەمنىڭ 15-تەن استام ەلىنەن كەلگەن Dearsء-تى چەح رەسپۋبليكاسىندا ءارتىستىڭ العاشقى جەكە كونسەرتىن وتكىزۋگە كەلگەن ديماش پەن ونىڭ كومانداسى قارسى الدى، دەپ حابارلايدى Almaty-akshamy.kz 
Dimashnews سايتىنىڭ مالىمەتىنشە، ديماش قۇدايبەرگەننىڭ جەكە كونسەرتى وتەتىن ارەنانىڭ «تيپسپورت» اۋماعىن كەشە جىلى جانە مەرەكەلىك اتموسفەرا جايلاعان. چەحيا، فينليانديا، برازيليا، رەسەي، رۋمىنيا، ۋكراينا، گەرمانيا، بولگاريا، كانادا، ۇلىبريتانيا، يسپانيا، پەرۋ، پولشا، قازاقستان جانە باسقا دا ەلدەردىڭ وكىلدەرى ديماشتى چەح رەسپۋبليكاسىنىڭ جۇرەگى – پراگادا ۇلكەن قۋانىشپەن قارسى الدى. ءداستۇر بويىنشا، Dears سۇيىكتى ءانشىنىڭ اندەرىن بىرلەسىپ ورىندادى. ديماشتىڭ چەحيالىق جانكۇيەرلەرى قىمباتتى قوناقتاردىڭ كەزدەسۋىن
ۇلتتىق چەح كوستيۋمىندەگى Dear قولىنان ءداستۇرلى نان-تۇزدى ءانشىنىڭ ءوزى جانە ونىڭ اتا-اناسى الدى. سونداي-اق، انشىگە جەرگىلىكتى شەبەرلەردىڭ ۇلتتىق چەح ستيلىندە قولدان جاسالعان ادەمى سىيلىقتارى تاپسىرىلدى. كۇتىپ الۋشىلار وتە كوپ بولعاندىقتان ديماشقا ءاۆتوموبيلدىڭ شاتىرىنا شىعىپ وتىرىپ قولتاڭبا تاراتۋعا تۋرا كەلدى، جانكۇيەرلەرىمەن سويلەسىپ، ولارعا العىسىن ايتتى.