«تەررەنكۋر» دەمالىس ايماعىنىڭ توعانىندا قىسقى تيۋبينگتەرگە ارنالعان 50 مەترلىك سىرعاناق سالىنادى. «سنەجنايا سلايد» الەۋمەتتىك جوباسى جەكە قاراجات ەسەبىنەن جۇزەگە اسادى. بۇل ءۇشىن كۇزگى مەزگىلدە توعاننان سۋ سورىلدى. قىسقى بىتكەن سوڭ قۇرىلىم بولشەكتەلەدى، دەپ حابارلايدى almaty-akshamy.kz
نەگىزگى ايىرماشىلىق سىرعاناقتىڭ توعاندا سالىنعاندىقتان، سىرعاناۋدا شۇعىل بۇرىلىس ءتارىزدى ءقاۋىپ جوق. قۇرىلىم 20 گرادۋس بۇرىشتا ورناتىلىپ، 5 ارناعا بولىنگەن، ءارقايسىسى ارنايى تورمەن قورشالعان. سونىمەن قاتار، مارەدە تەجەگىش تور جانە ارنايى جۇمساق قاپتار بار.
سىرعاناق تەپكەننەن كەيىن دەمالۋشىلار ۇرلەمەلى باللونداردى ءدوڭ باسىنا وزدەرى سۇيرەتپەيدى، بۇل ءۇشىن ارنايى فۋنيكۋلەر بار. بۇل رەتتە، كەلۋشىلەر قاۋىپسىزدىك تەحنيكاسى بويىنشا وقۋدان وتكەن نۇسقاۋشىلاردىڭ باقىلاۋىندا بولادى.
بۇعان قوسا، كەشەن اۋماعىنداعى تەرراسسادا قوعامدىق تاماقتانۋ ورىندارى بار دەمالىس ايماعى ۇيىمداستىرىلادى.
اشىلۋى 15 قاڭتارعا جوسپارلانعان. باللوندى ءبىر ساعاتقا جالعا الۋ 3 مىڭ تەڭگە. ءبىر رەت سىرعاناۋ – 500 تەڭگە. جۇمىس كەستەسى تۋرالى قوسىمشا حابارلانادى.