ىرىمشىك، سۇزبە ونىمدەرىن كوپشىلىك اسىرەسە تاڭعى اس كەزىندە ءجيى تۇتىنادى. دۇكەن سورەلەرىنەن ءتۇر-تۇرى تابىلاتىن بالقىتىلعان ىرىمشىك نانعا جاعىپ، بۋتەربرود نەمەسە سوۋس جاساعانعا وتە ىڭعايلى. دەگەنمەن، كەز كەلگەن ءونىمدى پايدالانباس بۇرىن ونىڭ قۇرامىن تەكسەرىپ، ونىڭ ءقاۋىپسىز ەكەنىنە ءمان بەرگەن ءجون...
كوپشىلىكتىڭ ءسۇيىپ جەيتىن بالقىتىلعان ىرىمشىكتىڭ قۇرامىندا تابيعي ىرىمشىككە قاراعاندا تۇز، كونسەرۆانتتار مەن مايلار كوپ كورىنەدى.
بۇل تۋرالى رەسەيلىك ديەتولوگ الەكساندرا رازارەنوۆا Sputnik راديوسىنا بەرگەن سۇحباتىندا ايتتى. ماماننىڭ سوزىنشە، بۇل ءونىمدى شەكتەۋلى مولشەردە عانا پايدالانۋ كەرەك.
ديەتولوگ بالقىتىلعان ىرىمشىكتىڭ قولدانۋعا ىڭعايلى ەكەنىن جانە ءوزىنىڭ جۇمساق كونسيستەنسياسىمەن تارتىمدى ەكەنىن اتاپ ءوتتى، ءبىراق بەلگىلى ءبىر تەكستۋراعا قول جەتكىزۋ ءۇشىن وعان قوسىلاتىن قوسپالار ءاردايىم پايدالى بولا بەرمەيتىنىن دە اتاپ ءوتتى.
«بۇل ەمۋلگاتورلار، بوياعىشتار، حوش يىستەندىرگىشتەر، ءدامىن كەلتىرگىشتەر، تۇراقتاندىرعىشتار جانە كونسەرۆانتتار. بالقىتىلعان ىرىمشىك وندىرىسىندە ترانس مايلار ءجيى قولدانىلادى»، - دەپ اتاپ ءوتتى رازارەنوۆا.