الماتىدا كوپبالالى انالار ماراپاتتالدى
الماتىنىڭ جەتىسۋ اۋدانىندا كوپبالالى انالارعا قۇرمەت كورسەتىلدى
الماتى قالاسىنىڭ 9 كوپبالالى اناسى «التىن القا» جانە «كۇمىس القا» مەملەكەتتىك ناگرادالارىنىڭ يەگەرى اتاندى. ولار جەتىسۋ اۋدانىندا تۇرادى. قازاقستان رەسپۋبليكاسى پرەزيدەنتىنىڭ 2024 جىلعى 6 قىركۇيەكتەگى №645 جارلىعىنا سايكەس ەكى انا «التىن القا» السا، تاعى جەتى اناعا «كۇمىس القا» بەرىلدى، دەپ حابارلايدى aqshamnews.kz
«ءبىز تاربيەلەپ وتىرعان بالالارىمىز ەلىمىز بەن جەرىمىزگە قىزمەت ەتسە، بۇل ءبىزدىڭ ماقساتىمىزدىڭ ورىندالعانى. ءاربىر انا بالالاردىڭ سانىنا عانا ەمەس، ولاردىڭ تاربيەسىنىڭ ساپاسىنا دا جاۋاپ بەرەدى، ويتكەنى بۇل ۇلكەن جاۋاپكەرشىلىك. قازاقستاننىڭ بولاشاعى جارقىن بولسىن، بالالارىمىز دەنساۋلىعى مىقتى بولىپ، ەلىمىز گۇلدەنە بەرسىن!»، – دەدى «التىن القا» يەگەرى ايانا الىشيەۆا.
«كۇمىس القا» يەگەرى، 6 بالانىڭ اناسى گۇلزانا حالبەكوۆا دا ەموسياسىن جاسىرمادى.
«مەن وسى ءساتتى ۇزاق كۇتتىم. ءوزىم كوپبالالى وتباسىندا وسكەنمىن، ءبىز انامىزدىڭ مەيىرىمىنە جانە اكەمىزدىڭ قامقورلىعىنا بولەنىپ وستىك. ءبىزدىڭ بالالارىمىز دا بىر-بىرىنە قامقورلىق پەن جاقسىلىق جاسايدى. مەنىڭ ويىمشا، بەيبىت ەلىمىز مەن كوڭىلى دارحان حالقىمىزدىڭ ارقاسىندا بالالارىمىزدى بەيبىتشىلىك پەن كەلىسىمدە تاربيەلەي الامىز. كوپبالالى انا بولۋ باقىت، مەن ءار وتباسىعا وسىنداي باقىت تىلەيمىن!»، – دەدى گۇلزانا حالبەكوۆا.
جەتىسۋ اۋدانىنىڭ اكىمى ءلاززات جىلقىبايەۆا جوعارى ناگرادا يەگەرلەرىن قۇتتىقتاپ، ۇلتتىڭ دامۋىنا قوسقان ۇلەستەرى ءۇشىن العىس ءبىلدىردى.
اۋداندا بارلىعى 2 940 كوپبالالى انا تىركەلگەن. بۇگىندە ولاردىڭ 154ء-ى «التىن القا»، 305ء-ى «كۇمىس القا» مەدالدارىمەن ماراپاتتالعان. ولاردىڭ قاتارىنا تاعى 9 ايەل قوسىلدى. كوپشىلىگى ءبىلىم بەرۋ، مەديسينا جانە باسقا دا مەملەكەتتىك جانە جەكە قۇرىلىمداردا جۇمىس ىستەپ، قالانىڭ دامۋىنا زور ۇلەس قوسىپ كەلەدى.