الماتىنىڭ ورتالىق قالالىق كلينيكالىق اۋرۋحاناسىنا 4-دارەجەلى دەفورماسيالاناتىن ارتروزى جانە تۇراقتى ارالاس كونتراكتۋراسى بار ناۋقاس ءتۇستى. ونىڭ اياق-قول بۋىندارى ۇزاق جىلدار بويى قوزعالماعان. سول اۋرۋدىڭ ازابىن 9 جىل بويىنا تارتىپ، وڭ اياعىن مۇلدەم سوزا الماعان.
ءيا، 4-دارەجەلى ارتروز ونىڭ تىزە بۋىنىنىڭ قالىپتى جۇمىسىنا كەدەرگى كەلتىرگەن. ناۋقاس ءۇشىن ءبىر قادام جاساۋدىڭ ءوزى مۇڭعا اينالىپتى.
وقكا تراۆماتولوگيا جانە ورتوپەديا ءبولىمىنىڭ مەڭگەرۋشىسى قانات تاۋەكەلوۆ ناۋقاسقا تىزە بۋىنىن تولىق ەندوپروتەزدەۋ وتاسىن جاساۋدى ۇسىندى. ءسويتىپ ءبىر مەزگىلدە ارتقى بۇلشىقەت توپتارى بوساتىلدى، بۇل اياقتى تولىعىمەن تۇزەتۋگە مۇمكىندىك بەردى. كۇردەلى وتا ءمامس پاكەتى شەڭبەرىندە جاسالدى.
– ءبىز جۇمىسى بۇزىلعان بۋىندى جاساندى بۋىنعا اۋىستىردىق جانە ءبىر ۋاقىتتا بۇلشىقەتتى شىعاردىق، بۋىندى بۇگىلگەن كۇيدە ۇستايتىن تۇراقتى كونتراكتۋرانى جويدىق. وسىلايشا ءبىز اياقتىڭ قوزعالعىشتىعىن قالپىنا كەلتىردىك. وتا ءساتتى ءوتتى، – دەيدى قانات تاۋەكەلوۆ.
ءساتتى وتادان سوڭ ناۋقاس 9 جىلدان كەيىن العاش رەت اياعىن جازىپ، ەرەكشە قۋاندى.
– اياعىم 2005 جىلدان باستاپ ىسىنە باستادى. ونى ءوز بەتىمشە جىلىتۋ جاستىقشاسىمەن قىزدىردىم. ويتكەنى "بۋىندار جىلۋدى جاقسى كورەدى" دەگەندى ەستىگەنىم بار ەدى. ءبىراق اياعىم ودان جاقسارمادى. ۇزاق جىلدار ادام توزگىسىز اۋىرسىنۋلاردان جانىم قينالىپ كەتتى، تەك اۋىرسىنۋدى باساتىن دارىلەرمەن ءومىر ءسۇرىپ كەلدىم. مىنە، دارىگەرلەردىڭ ارقاسىندا اياعىمدى تەڭ باسىپ، جانىم دا جادىراپ قالدى، – دەيدى وتا جاسالعان ناۋقاس.