قازاقستان اۆياكومپانيالارىنا يران اۋە كەڭىستىگىنەن اينالىپ ءوتۋ ۇسىنىلدى
قازاقستاننىڭ ازاماتتىق اۆياسيا كوميتەتى (ااك) تاياۋ شىعىستاعى جاعدايدىڭ شيەلەنىسۋىنە بايلانىستى قازاقستاندىق اۆياكومپانيالارعا يران اۋماعىنان اينالىپ ءوتىپ، بالاما باعىتتاردى تاڭداۋ تۋرالى كەڭەس بەردى.
بۇل شەشىم يراننىڭ يزرايلگە جاساعان راكەتالىق شابۋىلىنان كەيىن قابىلداندى. يران شابۋىلدى "كوشباسشىلاردىڭ ولىمىنە جاۋاپ" دەپ اتادى.
"تاياۋ شىعىستاعى جاعدايدىڭ شيەلەنىسۋىنە بايلانىستى قازاقستاندىق اۆياكومپانيالارعا يران اۋە كەڭىستىگىن اينالىپ ءوتۋ جانە بالاما باعىتتاردى تاڭداۋ ۇسىنىلادى. سونىمەن قاتار، سايكەس ايماقتاعى ۇشۋ جونىندەگى بۇرىنعى نۇسقاۋلار مەن ۇسىنىستاردى ورىنداۋ ماڭىزدى"، — دەپ حابارلادى ااك.