بۇل جولى سالتاناتتى ءراسىم پد عيماراتىنىڭ الدىنداعى الاڭدا ءوتتى.
پوليسيا دەپارتامەنتىنىڭ باستىعى ارىستانعاني زاپپاروۆتىڭ قولىنان 50 جاس قىزمەتكەرگە لەيتەنانت پوگونى تابىستالدى. قالاداعى ءتارتىپتى قامتاماسىز ەتەتىن وفيسەرلەر قاتارىنا جاس جىگىتتەر مەن قىزدار قوسىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بۇگىن سىزدەردىڭ جولدارىڭىز تاۋەلسىز قازاقستانعا، قازاقستان حالقىنا قىزمەت ەتۋدەن باستالدى. بۇعان دەيىن بىرەۋلەرىڭىز كۋرسانت، ەندى بىرەۋلەرىڭىز جوو بىتىردىڭىزدەر. ال بۇگىن سىزدەرگە وفيسەرلىك شەن تاعايىندالدى جانە پوگوندار تابىستالدى. سىزدەر، قۇرمەتتى ارىپتەستەر، ازاماتتاردىڭ قاۋىپسىزدىگىن قامتاماسىز ەتۋدە جانە ولاردىڭ كونستيتۋسيالىق قۇقىقتارىن قورعاۋدا ءوز بىلىمدەرىڭىز بەن داعدىلارىڭىزدى دۇرىس قولدانا الاتىندارىڭىزعا سەنىمدىمىن»، – دەدى ارىستانعاني زاپپاروۆ.
شەندى تاعايىنداۋ جانە پوگونداردى تابىستاۋ – ىشكى ىستەر ورگاندارىندا قىزمەت ەتۋدى تاڭداعاندار ءۇشىن قىزىقتى ءسات. بۇل - ءاربىر پوليسيا قىزمەتكەرى ءۇشىن تاريحي ماڭىزدى وقيعا.