الماتىعا شەتەلدىك جانە ىشكى تۋريستەر تاراپىنان ايتارلىقتاي قىزۋشىلىق ارتىپ وتىر، دەپ حابارلايدى aqshamnews.kz
بۇل ماركەتينگتىك ناۋقاندار ناتيجەسىمەن، اۋە قاتىناسىنىڭ كەڭەيۋىمەن جانە حالىقارالىق كورمەلەردە بەلسەندى جۇمىستارمەن دالەلدەنىپ وتىر. بۇل جونىندە الماتىنىڭ تۋريزم باسقارماسىنىڭ وكىلدەرى حابارلادى.
بيىلعى جىلدىڭ العاشقى جارتىجىلدىعىندا الماتىعا كەلگەن قوناقتار سانى ايتارلىقتاي كوبەيگەن. ەكىنشى توقساننىڭ وزىندە قالاعا 1،1 ميلليوننان استام تۋريست كەلگەن. ونىڭ ىشىندە 323،5 مىڭى – شەتەلدىك، ال 816،5 مىڭى – ىشكى تۋريستەر. شەتەلدىك كەلۋشىلەر اراسىندا ءۇندىستان (56،2 مىڭ ادام) مەن جۇڭگو (54،1 مىڭ ادام، وتكەن جىلمەن سالىستىرعاندا ءوسىم – 33،4%) كوش باستاپ تۇر. سونىمەن قاتار، تۋريستەردىڭ نەگىزگى لەگى تۇركيا (17،9 مىڭ)، وڭتۇستىك كورەيا (9،7 مىڭ)، اقش (9،6 مىڭ)، ءباا (6،7 مىڭ) جانە گەرمانيادان (6،4 مىڭ) كەلىپ وتىر.
تۋريزم باسقارماسى وكىلدەرىنىڭ ايتۋىنشا، حالىقارالىق ءتۋريزمنىڭ دامۋىنا جاڭا اۋە باعىتتارىنىڭ اشىلۋى (جاڭا رەيستەردىڭ اشىلۋى مەن اۋە كومپانيالارىمەن جاسالعان مەموراندۋمدار)، سونداي-اق سالالىق كورمەلەردەگى تانىستىرۋعا باعىتتالعان جۇمىستار مەن اۋەجايداعى پرومو-اكسيالار (برەندتەلگەن كادەسىيلار مەن اقپاراتتىق ماتەريالداردى تاراتۋ، جاڭا رەيستەر ىسكە قوسىلعان كەزدە «ءتاتتى سىيلىق» اكسياسى جانە ت.ب.) سەبەپ بولعان.
2025 جىلى الماتى CNN ارناسىنىڭ نۇسقاسى بويىنشا ەڭ ۇزدىك تۋريستىك باعىتتاردىڭ ءبىرى دەپ تانىلىپ، Booking.com پلاتفورماسىنىڭ ترەندتىك رەيتينگتەرىنە ەندى. بۇل دا قالانىڭ حالىقارالىق دەڭگەيدەگى تانىمالدىعىن ارتتىرا ءتۇستى.
بۇعان قوسا، الماتىدا حالىقارالىق ينفو-تۋرلار مەن ىسكەرلىك B2B-كەزدەسۋلەر جۇيەلى تۇردە ۇيىمداستىرىلىپ كەلەدى. تەك بەس ءىرى كورمەگە (گۋانچجوۋداعى GITF، شانحايداعى ITB، سەۋلدەگى SITF، گونكونگتاعى ITE، بەيجىڭدەگى BITE) قاتىسۋ ناتيجەسىندە شەتەلدىك سەرىكتەستەرمەن 150 كەلىسىم جاسالدى. بۇل كەلىسىمدەر بولاشاقتا شامامەن 159 مىڭ تۋريست تارتۋعا مۇمكىندىك بەرەدى.