ChatGPTء-دىڭ كومەگىمەن ەمدەلمەك بولعان قازاقستاندىق اۋرۋىن اسقىندىرىپ العان، دەپ حابارلايدى aqshamnews.kz
شىمكەنتتە 34 جاستاعى ەر ادام جاساندى ينتەللەكتكە ساراپتاما ناتيجەلەرىن جۇكتەپ، 1 اي بويى ەم قابىلداعان.
“جاقىندا ماعان 34 جاستاعى ناۋقاس كەلدى. باۋىر سيرروزىمەن اۋىرادى ەكەن. ChatGPT-گە اۋرۋحانادان العان بارلىق قاعازدارىن جۇكتەگەن، ال ول بۇعان ەم جازىپ بەرگەن. ەر ادام سول ەمدى ءبىر اي بويى قابىلداعان. ءبىز قاراپ شىعىپ، ولاي ەمدەلۋگە بولمايدى، مۇلدە دۇرىس ەمەس. ءتىپتى، دەنساۋلىعىنا ءقاۋىپتى ەم قابىلداعانىن ەر ادامعا ارەڭ تۇسىندىردىك. ءقازىر وسى جاساندى ينتەللەكتپەن ەمدەلىپ جۇرگەن قانشاما ناۋقاستار بولۋى مۇمكىن. وسى ءبىزدى الاڭداتىپ وتىر”، – دەيدى دارىگەر باقىتجان پوزيلوۆ.