الماتىدا دوستىق داڭعىلى مەن جولداسبەكوۆ كوشەسىنىڭ قيىلىسىندا قوزعالىس سىزباسى پيلوتتىق رەجيمدە وزگەرتىلدى.
قالانىڭ كولىك قوزعالىسىن ۇيىمداستىرۋ جانە جولاۋشىلار ترانسپورتى باسقارماسى اكىمشىلىك پوليسيا باسقارماسىمەن بىرلەسىپ، باعدارشام نىسانىنىڭ جۇمىسىن قايتا رەتتەدى. پيلوتتىق جوبا اياسىندا جۇرگىنشىلەردىڭ قاۋىپسىزدىگىن ارتتىرۋعا جانە كولىك قۇرالدارىنىڭ وتكىزۋ قابىلەتىن جاقسارتۋعا مۇمكىندىك بەرەتىن قوسىمشا فازا ەنگىزىلدى.
وزگەرىس قالانىڭ جۇكتەمەسى جوعارى قيىلىستارىنىڭ بىرىندە قوزعالىستى وڭتايلاندىرۋ جانە جول اپاتىن ازايتۋ ماقساتىندا جۇزەگە اسىرىلدى.
باسقارما بارلىق جول قوزعالىسىنا قاتىسۋشىسىن قازاقستان رەسپۋبليكاسىنىڭ جول قوزعالىسى ەرەجەلەرىن ساقتاۋعا، جۇرگىنشىلەر مەن جۇرگىزۋشىلەرگە ارنالعان باعدارشام بەلگىلەرىنە نازار اۋدارۋعا شاقىرادى.