الماتىنىڭ بوستاندىق اۋدانىندا جاڭا كاسىپكەرلىك نىساندارىندا 5 مىڭنان استام جۇمىس ورنى اشىلدى
الماتى اكىمى ەربولات دوسايەۆ بوستاندىق اۋدانىنىڭ تۇرعىندارىمەن كەزەكتى كەزدەسۋىندە اۋداننىڭ الەۋمەتتىك-ەكونوميكالىق دامۋ قارقىنى تۋرالى باياندادى، دەپ حابارلايدى aqshamnews.kz
اۋدان قالادا ينۆەستيسيا تارتۋ بويىنشا كوش باستاپ تۇر. بيىلعى جىلدىڭ 7 ايىندا 150 ملرد تەڭگەدەن استام ينۆەستيسيا تارتىلدى.
جىل باسىنان بەرى شاعىن جانە ورتا بيزنەس سۋبەكتىلەرىنىڭ سانى 8%-عا ءوسىپ، 64 717-گە جەتتى. بۇل 5 مىڭنان استام تۇرعىندى تۇراقتى جۇمىس ورىندارىمەن قامتاماسىز ەتتى. سالىق ءتۇسىمى 34%-عا ءوسىپ، 320 ملرد تەڭگەگە جەتتى.
الەۋمەتتىك جانە ينفراقۇرىلىمدىق ماسەلەلەردى شەشۋگە اۋدان بيۋدجەتى ماۋسىم ايىندا 32%-عا ۇلعايىپ، 29،1 ملرد تەڭگە بولدى. قاراجات ينجەنەرلىك جەلىلەردى جاڭعىرتۋعا، كولىك جۇيەسىن دامىتۋعا جانە قوعامدىق كەڭىستىكتەردى اباتتاندىرۋعا باعىتتالعان.