الماتىنىڭ بوستاندىق اۋدانىنىڭ ينجەنەرلىك ينفراقۇرىلىمى قالاي دامىپ جاتىر
الماتى اكىمى ەربولات دوسايەۆ بوستاندىق اۋدانىنىڭ تۇرعىندارىمەن كەزدەسۋ بارىسىندا ينجەنەرلىك ينفراقۇرىلىمدى جاڭعىرتۋ بارىسى تۋرالى باياندادى، دەپ حابارلايدى aqshamnews.kz
بيىل شىلدە ايىندا جاروكوۆ، ناۋاي، تيميريازيەۆ، ساتبايەۆ، ماركوۆ كوشەلەرى مەن الماگۇل شاعىن اۋدانىندا 6،3 كم سۋ قۇبىردى جاڭعىرتۋ جۇمىستارى اياقتالدى. بۇل 80 مىڭعا جۋىق اۋدان تۇرعىندارىن ساپالى اۋىز سۋمەن قامتاماسىز ەتۋگە مۇمكىندىك بەرەدى.
وسى جىلدىڭ قازان ايىندا جاندوسوۆ، بۇقار جىراۋ، تيميريازيەۆ كوشەلەرى مەن وربيتا-2 شاعىن اۋدانىندا تاعى 1 كم سۋ جانە كارىز جەلىلەرىنىڭ جاڭعىرتۋ جۇمىستارى اياقتالادى.
2025 جىلدىڭ ءىى توقسانىندا ەرمەنساي شاعىن اۋدانىن تۇراقتى سۋمەن قامتاماسىز ەتۋ ءۇشىن جاڭا سۋ جيناعىشتىڭ قۇرىلىسى جوسپارلانىپ وتىر. سونداي-اق سول كەزەڭدە نۇرلىتاۋ شاعىن اۋدانىندا 62 كم سۋ جانە 34 كم كارىز جەلىلەرىن سالۋ باستالادى. بۇل جوبالار بوستاندىق اۋدانىنىڭ وڭتۇستىك بولىگىندەگى 25 مىڭنان استام تۇرعىندى ساپالى اۋىز سۋمەن قامتاماسىز ەتەدى.
سونىمەن قاتار، جىلىتۋ ماۋسىمى باستالعانعا دەيىن قوجانوۆ، سەركەبايەۆ، ەسقارايەۆ، بايقاداموۆ، جاندوسوۆ، ماناس، بايزاقوۆ كوشەلەرىندە جانە ءال-فارابي اتىنداعى قازۇۋ اۋماعىندا 5،3 كم جىلۋ جەلىلەرىن قايتا جاڭارتۋ اياقتالادى.