الماتىدا 40 جىلدان استام ۋاقىت بۇرىن پايدالانۋعا بەرىلگەن قۇبىر رەكونسترۋكسيالانۋدا
الماتىنىڭ بۇقار جىراۋ بۋلۆارىندا 1983 جىلى پايدالانۋعا بەرىلگەن قۇبىر قايتا جاڭارتىلادى. جالپى ۇزىندىعى 1،3 شاقىرىم بولاتىن جىلۋ تراسساسى 200-دەن استام قالالىق نىساندى جىلۋمەن قامتاماسىز ەتەدى. جازعى كەزەڭدە اتالعان تۇتىنۋشىلار ءۇشىن ىستىق سۋمەن جابدىقتاۋ ساقتالادى.
جوسپارلى جۇمىستاردى جۇرگىزۋ قاۋىپسىزدىگىن قامتاماسىز ەتۋ ءۇشىن 2025 جىلعى 23 ءساۋىر مەن 10 ماۋسىم ارالىعىندا بۇقار جىراۋ بۋلۆارى بويىنشا سەرگەي ماركوۆ كوشەسىنەن ريمسكيي-كورساكوۆ كوشەسىنە دەيىن وڭتۇستىك جاعىنان اۆتوكولىك قوزعالىسى ءىشىنارا جابىلادى.
ۋاقىتشا قولايسىزدىقتارعا تۇسىنىستىكپەن قاراۋدى جانە اتالعان ۋچاسكەنى اينالىپ ءوتۋ ءۇشىن الدىن الا بالاما مارشرۋتتاردى قاراستىرۋدى سۇرايمىز.
جالپى، اعىمداعى جىلى قالا بويىنشا 35 كم جىلۋ جەلىلەرىن قايتا جاڭارتۋ جوسپارلانعان. بۇل توزۋ دەڭگەيىن 54% - عا دەيىن تومەندەتەدى.
«الماتى جىلۋ جەلىلەرى» ج ش س