52 كم كابەل جەلىلەرى، 487 جارىقتاندىرۋ تىرەكتەرى جانە 2،5 مىڭنان استام شامداردى اۋىستىرۋ: الماتىنىڭ اۋەزوۆ اۋدانىندا جارىقتاندىرۋ ساپاسى قالاي جاقسارادى
2025 جىلى اۋەزوۆ اۋدانىنىڭ كوشەلەرىندە 52 كم كابەل جەلىلەرىن قالپىنا كەلتىرۋ، 487 جارىقتاندىرۋ تىرەكتەرىن ورناتۋ، 2500-دەن استام شامداردى اۋىستىرۋ جوسپارلانۋدا. بۇل تۋرالى اۋەزوۆ اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ مالىمدەدى.
- ونىڭ ايتۋىنشا، 2025 جىلدىڭ قىركۇيەگىنە دەيىن وتكەن جىلى جارىقسىز قالعان 81 ۋچاسكەنى جارىقتاندىرۋ جوسپارلانۋدا. بۇگىنگى تاڭدا جسق قورىتىندىسى الىندى، جۇمىستار 2025 جىلدىڭ ءساۋىر ايىندا باستالادى.
- سونداي-اق، اعىمداعى جىلى 36،3 كم ەلەكتر جەلىلەرىن قايتا جاڭارتۋ جانە 49 ترانسفورماتورلىق قوسالقى ستانسيالاردى جوندەۋ جوسپارلانۋدا.
ايتا كەتەيىك، 2024 جىلى سىرتقى جارىقتاندىرۋدى جاقسارتۋ ءۇشىن 42،3 كم كابەل جەلىلەرى قالپىنا كەلتىرىلىپ، 152 جاڭا جارىقتاندىرۋ تىرەكتەرى ورناتىلىپ، 3 800-دەن استام شامدار اۋىستىرىلدى.
حالىقتى تۇراقتى ەلەكترمەن جابدىقتاۋمەن قامتاماسىز ەتۋ ءۇشىن وتكەن جىلى «اجك» اق 23 كم ەلەكتر جەلىلەرىن رەكونسترۋكسيالاۋ اياقتالدى، 29 ترانسفورماتورلىق قوسالقى ستانسيا جانە 5 تاراتۋ ستانسياسى جوندەلدى.
ەستەرىڭىزگە سالا كەتەيىك، الماتىدا مەملەكەت باسشىسىنىڭ قالانى 100% جارىقتاندىرۋ تۋرالى تاپسىرماسىن ورىنداۋ ءۇشىن ەلەكتر جەلىلەرى مەن سىرتقى جارىقتاندىرۋدى جاڭعىرتۋدىڭ اۋقىمدى باعدارلاماسىن ىسكە اسىرۋ جالعاسۋدا. 2024 جىلى كوشەنى جارىقتاندىرۋ ۇلەسى 85% - عا جەتتى، ال اعىمداعى جىلى ونىڭ دەڭگەيى 100% -دى قۇرايدى.