دەكوراتيۆتى جارىقتاندىرۋ جانە قاسبەتتەردى جوندەۋ: بيىل الماتىنىڭ اۋەزوۆ اۋدانىندا نە ىستەلەدى
اۋەزوۆ اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ اۋداننىڭ تۇرعىن ۇي-كوممۋنالدىق ينفراقۇرىلىمىن جاڭعىرتۋ جانە جاقسارتۋ بويىنشا قابىلدانىپ جاتقان شارالار تۋرالى ايتتى، دەپ حابارلايدى aqshamnews.kz
اكىمنىڭ ايتۋىنشا، 2024 جىلى 36 تۇرعىن ءۇيدىڭ قاسبەتىنە دەكوراتيۆتى جارىقتاندىرۋ ورناتىلىپ، 28 ءۇيدىڭ قاسبەتى اعىمداعى جوندەۋدەن ءوتتى. 2025 جىلى 42 ءۇيدىڭ قاسبەتىنە دەكوراتيۆتى جارىقتاندىرۋ ورناتىلىپ، 12 ءۇيدىڭ قاسبەتى اعىمداعى جوندەۋدەن وتەدى دەپ جوسپارلانعان.
«تۇرعىنداردىڭ قاۋىپسىزدىگى مەن جايلى ءومىر ءسۇرۋ شارتتارىن قامتاماسىز ەتۋ ءۇشىن 2024 جىلى 39 كوپقاباتتى تۇرعىن ۇيگە كۇردەلى جوندەۋ جۇرگىزىلىپ، 20 كوپقاباتتى ۇيدە 30 جەدەلساتى اۋىستىرىلدى. 2025 جىلى 45 كوپقاباتتى تۇرعىن ۇيگە كۇردەلى جوندەۋ جۇرگىزىلىپ، 32 كوپقاباتتى ۇيدە 34 جەدەلساتى اۋىستىرۋ جوسپارلانۋدا»، – دەدى الماتى اكىمى.
ايتا كەتەيىك، ەربولات دوسايەۆتىڭ تاپسىرماسىمەن 2022-2024 جىلدار ارالىعىندا قالادا 355 ءۇيدىڭ قاسبەتى جوندەلگەن بولاتىن. جالپى، 2025-2026 جىلدارى تاعى 296 قاسبەتىنە جوندەۋ جوسپارلانعان. بۇل شارالار قالا كوركىن جاقسارتۋعا باعىتتالعان.