الماتىلىقتارعا جەكە تۇلعالاردىڭ بانكروتتىعى راسىمدەرى ءتۇسىندىرىلدى

قازىرگى ۋاقىتتىڭ وزىندە تەك الماتى قالاسىنىڭ تۇرعىندارىندا 1 ملن-نان استام نەسيەلەرى بار.

ق ر قارجى مينيسترلىگى ەلىمىزدىڭ نەسيەلەرى، سالىق قارىزدارى مەن كوممۋنالدىق تولەمدەردەن قارىزدارى ەڭ جوعارى جانە كوپ شوعىرلانعان وبلىس ورتالىقتارى مەن قالالارىندا ازاماتتاردىڭ بانكروتتىعى تۋرالى زاڭ جوباسىنا بايلانىستى ءتۇسىندىرۋ جۇمىستارىن جۇرگىزۋدە، دەپ حابارلايدى Almaty-akshamy.kz

قازىرگى ۋاقىتتىڭ وزىندە تەك الماتى قالاسىنىڭ تۇرعىندارىندا 1 ملن-نان استام نەسيەلەرى بار. ونىڭ ىشىندە 451 مىڭنان استام ازاماتتا 90 كۇننەن استام ۋاقىت تولەنبەگەن نەسيەلەرى قوردالانعان. سوندىقتان ازاماتتاردىڭ بانكروتتىعىن جاريالاۋ تۋرالى راسىمدەر قىزىعۋشىلىق تانىتارى ءسوزسىز.

2022 جىلعى 17 تامىزدا الماتى قالاسىندا ق ر قم مەملەكەتتىك كىرىستەر كوميتەتىنىڭ كونفەرەنسياسى ءوتتى، ونىڭ شەڭبەرىندە "قازاقستان رەسپۋبليكاسى ازاماتتارىنىڭ تولەم قابىلەتتىلىگىن قالپىنا كەلتىرۋ جانە بانكروتتىعى تۋرالى» زاڭ جوباسىنىڭ (زاڭ جوباسى) ماسەلەلەرى تالقىلاندى.

شاراعا قاتىسقان 200 قاتىسۋشىنىڭ ىشىندە: جەكە تۇلعالار، قارجىلىق كەڭەسشىلەر، اكىمشىلەر جانە مۇددەلى مەملەكەتتىك ورگاندار مەن بانكتەردىڭ وكىلدەرى بولدى.

كەزدەسۋ بارىسىندا سپيكەرلەر بۇگىنگى تاڭدا پارلامەنت ءماجىلىسىنىڭ قاراۋىندا جاتقان زاڭ جوباسىنىڭ نەگىزگى ەرەجەلەرىن ءتۇسىندىردى.

ولار، سونداي-اق حالىقارالىق تاجىريبەنى ەسكەرە وتىرىپ، 3 ءتۇرلى راسىمدەردى ەنگىزۋدى قاراستىراتىنىن اتاپ ءوتتى.

ءبىرىنشى ءراسىم: سوتتان تىس بانكروتتىق، ونى ازاماتتار كەلەسى جاعدايلاردا قولدانا الادى:

بانكتەر، ميكروقارجى ۇيىمدارى (مقۇ) جانە كوللەكتورلار الدىنداعى بورىش، بورىش سوماسى 4،9 ملن. تەڭگەدەن (1600 اەك) اسپاۋى ءتيىس؛

رەسمي تابىس جوق نەمەسە تابىسى ەڭ تومەن كۇنكورىس دەڭگەيىنەن اسپاسا (ونىڭ ىشىندە اسىراۋىنداعى ادامدار (وتباسى مۇشەلەرى) دا قوسا ەسەپتەلەدى، ول ادام باسىنا 36018 تەڭگەنى قۇرايدى.

بۇل رەتتە بورىشكەردىڭ مۇلكى بولماۋعا ءتيىس جانە بانكپەن بورىشتار بويىنشا رەتتەۋ ءراسىمىن جۇرگىزۋ قاجەت.

سوتتان تىس بانكروتتىقتى تەك بانكتەر، مقۇ جانە كوللەكتورلىق اگەنتتىكتەر الدىنداعى قارىزدار بويىنشا قولدانۋعا بولادى.

ەكىنشى ءراسىم: سوت بانكروتتىعىن ازاماتتار 4،9 ملن.تەڭگەدەن استام قارىزدار بويىنشا جانە بورىشتىڭ قالعان تۇرلەرى بويىنشا قولدانا الادى.

وسى ءراسىم بارىسىندا بورىشكەردىڭ مۇلكى بولعان جاعدايدا، ول ساۋدا-ساتتىقتا وتكىزىلۋگە جاتادى.

تۇسكەن قاراجات بەلگىلەنگەن كەزەكتىلىككە سايكەس كرەديتورلار الدىنداعى بورىشتاردى وتەۋگە جىبەرىلەدى.

ءۇشىنشى ءراسىم، بۇل تۇراقتى تابىس بولعان جاعدايدا، سوتتا قارىزداردى تولەۋگە (5 جىلعا دەيىن) ءبولىپ-بولىپ تولەۋ مۇمكىندىگىن كوزدەيتىن تولەم قابىلەتتىلىگىن قالپىنا كەلتىرۋ ءراسىمى. قالپىنا كەلتىرۋ جوسپارى قارجى باسقارۋشىسىمەن بىرلەسىپ ازىرلەنەدى جانە سوتتا بەكىتىلەدى. ول ءۇشىن ەكى تاراپتىڭ (بورىشكەر مەن كرەديتوردىڭ) كەلىسىمى قاجەت.

سونداي-اق، كوميتەت وكىلدەرى بانكروتتىقتان كەيىنگى سالدارى تۋرالى ايتتى:

1) جوبادا 5 جىل ىشىندە قارىزدار مەن كرەديتتەر الۋعا شەكتەۋ كوزدەلگەن؛

2) ازاماتتار بانكروتتىقتى 7 جىلدان كەيىن عانا قايتا قولدانا الادى؛

3) بانكروتتىقتان كەيىن 3 جىل ىشىندە بانكروتتىڭ قارجىلىق جاعدايىنا مونيتورينگ جۇرگىزۋ كوزدەلگەن

سونداي-اق، جوبادا ازاماتتاردىڭ بانكروت دەپ تانىلعان كۇننەن باستاپ ءبىر جىل ىشىندە قارجىلىق ساۋاتتىلىقتى ارتتىرۋ كۋرستارىنان مىندەتتى تۇردە ءوتۋى كوزدەلگەن.

ءىس-شارا سوڭىندا لەكتورلار كونفەرەنسيا قاتىسۋشىلارىنىڭ بارلىق سۇراقتارىنا جاۋاپ بەردى. ازاماتتاردىڭ ۇسىنىستارى زاڭ جوباسىنا بايلانىستى ماجىلىستەگى الداعى تالقىلاۋ بارىسىندا قاراستىرىلادى.

سونىمەن قاتار، وسى اپتانىڭ سوڭىنا دەيىن وسىنداي ءىس-شارالار تالدىقورعان (18 تامىز) جانە تۇركىستان (19 تامىز) قالالارىندا وتەدى.