جالپى، ەلىمىز بويىنشا كەڭسە تاۋارلارى ءبىر جىلدا 12،3%-عا قىمباتتادى.
ءبىرقاتار وڭىردە باعا 30%-دان استام وسكەن، دەپ حابارلايدى Almaty-akshamy.kz Energyprom.kz-كە سىلتەمە جاساپ.
وڭىرلەر اراسىندا قىمباتشىلىق، اسىرەسە، تۇركىستان وبلىسىندا (50،1%) قاتتى سەزىلىپ تۇر. اتىراۋ (31،1%) مەن اقمولا (14،7%) وبلىستارى، الماتى قالاسىندا دا (14،5%) باعا ەداۋىر وسكەن.
ەڭ تومەن جىلدىق ءوسىم جامبىل وبلىسىندا تىركەلدى: نەبارى 1،2%.
مىسالى، سۋرەت سالۋعا ارنالعان البوم ءبىر جىل ىشىندە 14،1%-عا، قالامدار 13،2%-عا، ءتۇرلى-تۇستى قارىنداشتار جيىنتىعى 12،1%-عا، داپتەرلەر 12%-عا، ا4 قاعازى 10،6%-عا قىمباتتاعان.
جالپى، بيىل شىلدە ايىندا ءبىلىم بەرۋ قىزمەتتەرىنىڭ باعاسى 11،5%-عا كوتەرىلدى. سونىڭ ىشىندە مەكتەپكە دەيىنگى ءبىلىم بەرۋ قىزمەتتەرىنىڭ باعاسى ءبىر جىلدا 7،1%-عا، ورتا ءبىلىم 6،8%-عا، كاسىپتىك ورتا ءبىلىم 11،7%-عا، جوعارى ءبىلىم — 17،7%-عا، ەرەسەكتەرگە ارنالعان ءبىلىم 10،7%-عا ءوستى.
وڭىرلەر اراسىندا باعانىڭ ەڭ جوعارى ءوسىمى اتىراۋ (50%)، پاۆلودار (19،4%) جانە شىعىس قازاقستان (19،1%) وبلىستارىندا بايقالىپ وتىر.