اعىمداعى جىلدىڭ 25 شىلدە كۇنى الماتى قالاسىندا «تىلدەر ساياباعى» قالالىق الەۋمەتتىك، اشىق اسپان استىنداعى قازاق ءتىلىن جانە شەت تىلدەرىن تەگىن وقىتۋ بويىنشا جوبانىڭ اشىلۋ سالتاناتى ءوتتى، دەپ حابارلايدى aqshamnews.kz.
«تىلدەر ساياباعى» جوباسى الماتى قالاسى جاستار ساياساتى باسقارماسىنىڭ قولداۋىمەن ۆولونتەرلەر فرونت-وفيسىمەن جۇزەگە اسىرىلۋدا.
جوبا الماتىنىڭ بارلىق اۋداندارىن قامتيدى جانە تازا اۋادا شەت تىلدەرىن ۇيرەنۋگە بىرەگەي مۇمكىندىك بەرە وتىرىپ، 8 ءىرى ساياباقتاردا جۇزەگە اساتىن بولادى.
اشىلۋ سالتاناتىنا الماتى قالاسى اكىمىنىڭ ورىنباسارى ازامات قالدىبەكوۆ، الماتى قالاسى جاستار ساياساتى باسقارما باسشىسىنىڭ مىندەتىن اتقارۋشى ازيز كاجدەنبەك، الماتى قالاسىنىڭ ءماسليحات دەپۋتاتتارى، ۇكىمەتتىك ەمەس ۇيىم وكىلدەرى، قوعامدىق كەڭەس مۇشەلەرى جانە بەلسەندى قالا جاستارى قاتىستى.
«جوبا الماتىنىڭ بارلىق اۋداندارىن قامتي وتىرا، تازا اۋادا شەت تىلدەرىن ۇيرەنۋگە بىرەگەي مۇمكىندىك بەرەدى. وعان قوسا، 8 ءىرى ساياباقتا ىسكە اسىرىلاتىن بولادى. ساباقتار جاز مەزگىلىندە اپتاسىنا 3 رەت وتكىزىلەدى جانە 6 جاستان 60 جاسقا دەيىنگى بارلىق جاستاعى قاتىسۋشىلار ءۇشىن اشىق. وقۋ اياقتالعاننان كەيىن جوباعا قاتىسۋشىلارعا سەرتيفيكات بەرىلەدى. قىركۇيەك ايىندا ءبىز سۇرانىسقا يە توپتارعا ارناپ جوبانى كوميۋنيتي ورتالىقتاردا جۇزەگە اسىرۋدى جالعاستىرۋدى جوسپارلاپ وتىرمىز. ايتا كەتەيىن، الماتىدا جىلىنا جاستارعا ارنالعان 1000-نان اسا ەكولوگيالىق، تەگىن كۋرستار، مادەني جانە سپورتتىق شارالار تۇراقتى تۇردە ءوتىپ تۇرادى. بۇل جوبالاردىڭ بارلىعى جاستاردى قالانىڭ مادەني-قوعامدىق ومىرىنە تارتىپ، ولاردىڭ جەكە دامۋىنا ىقپال ەتىپ جانە بوس ۋاقىتىن ءتيىمدى وتكىزۋگە باعىتتالعان» - دەدى الماتى قالاسى جاستار ساياساتى باسقارما باسشىسىنىڭ مىندەتىن اتقارۋشى ازيز كاجدەنبەك.
باعدارلاما شەڭبەرىندە ءتىلدى مەڭگەرۋ دەڭگەيىن كورسەتەتىن كۋرستاردى اياقتاعاننان كەيىن سەرتيفيكاتتار بەرە وتىرىپ، قازاق ءتىلىن قوسا العاندا، 8 ءتىل بويىنشا كۋرستار ۇسىنىلادى. كۇزگى جانە قىسقى ۋاقىتتا ەڭ بەلسەندى توپتار ءۇشىن تەگىن وقىتۋ اۋداننىڭ كوميۋنيتي ورتالىقتارى بازاسىندا جالعاستىرىلاتىن بولادى. وسىلايشا، جىل بويى وقىتۋدى ۇيىمداستىرۋ جوسپارلانۋدا. ايتا كەتەيىك، ساباقتار قالا تۇرعىنادارىنا ىڭعايلى بولۋ ءۇشىن، بارلىق اۋدانداردا قاتار جۇزەگە اسادى.
ءار اۋدان بويىنشا اقپاراتتى تومەندەگى كەستەدەن كورە الاسىزدار.
